Vila Nova de Milfontes

Vila Nova de Milfontes

Localización
37°43′00″N 8°47′00″O
Estado	Portugal
Distritos	Distrito de Beja
Concello	Odemira
Poboación
Poboación	4.258 (2001) (56,11 hab./km²)
Xeografía
Superficie	75,88 km²
Identificador descritivo
Código postal	7645
Prefixo telefónico	283
Sitio web	jf-vnmilfontes.pt…

Vila Nova de Milfontes é unha vila portuguesa, sede da freguesía homónima do concello de Odemira. Conta con 75,88 km² de área e 5 660 habitantes (segundo o censo de 2021).

Vila Nova de Milfontes está situada na beira norte/dereita do río Mira, próxima á súa foz. Encóntrase integrada no Parque Natural do Suroeste Alentejano e Costa Vicentina.

Historia

É unha das freguesías máis antigas do municipio, fundada en 1485 polo rei Xoán II. A zona foi constituída para cumprir un papel económico e defensivo no Alentejo, na confluencia do río Mira, e beneficiouse da súa importancia estratéxica como porto seguro. Os primeiros habitantes foron presos condenados por delitos menores; 50 anos despois, a poboación da parroquia era de pouco máis de dez familias.

A aldea foi atacada con frecuencia por piratas e foi destruída por completo en 1590. En resposta, construíuse o forte de São Clemente entre 1599 e 1602 baixo o reinado do rei Filipe II durante a unión persoal de España e Portugal.

Durante o século XIX, a freguesía ficou integrada no municipio de Odemira, durante as reformas administrativas de Mouzinho da Silveira.

Xeografía

Vila Nova de Milfontes está situada na costa occidental do concello, cara ao océano Atlántico, na marxe norte do río Mira e dentro do Parque Natural do Suroeste Alentejano e Costa Vicentina. Vila Nova de Milfontes atópase a carón dun gran estuario dominado polo río Mira, que dá refuxio a varias especies de aves e vida mariña, ademais de xabarís e raposos nos bosques circundantes.

Praias

• Praia dos Aivados
• Praia da Angra da Barreta
• Praia da Angra da Cerva
• Praia do Burdo
• Praia da Cruz
• Praia do Carreiro da Fazenda
• Praia das Furnas
• Praia da Franquia, tamén coñecida como praia do Rio
• Praia do Farol
• Praia do Malhão
• Praia do Patacho
• Praia do Porto das Barcas

Demografía

Gráfica de evolución demográfica de Vila Nova de Milfontes entre 1864 e 2021

Datos segundo o Instituto Nacional de Estatística.

Galería

• 
  Estuario do río Mira.
• 
  Praia do Farol e vista do forte de São Clemente.
• 
  Rúa de Vila Nova de Milfontes.
• 
  Praza da vila.
• 
  Praia das Furnas e vista do faro.
• 
  Praias e o río Mira.
• 
  Vista ao océano Atlántico.