Victoria Reyes-García

Na Galipedia, a Wikipedia en galego.
Infotaula de personaVictoria Reyes-García
Biografía
Nacemento(es) Victoria E. Reyes García Editar o valor em Wikidata
1971 Editar o valor em Wikidata (52/53 anos)
Barcelona, España Editar o valor em Wikidata
Datos persoais
País de nacionalidadeEspaña Editar o valor em Wikidata
EducaciónUniversidade Autónoma de Barcelona
International University of Andalucía (en) Traducir
Faculdade Latino-Americana de Ciências Sociais (pt) Traducir
Universidade da Flórida (pt) Traducir Editar o valor em Wikidata
Actividade
Ocupacióninvestigadora , antropóloga Editar o valor em Wikidata
EmpregadorCatalan Institution for Research and Advanced Studies (en) Traducir
Universidade Autónoma de Barcelona Editar o valor em Wikidata
Membro de
LinguaLingua catalá e lingua castelá Editar o valor em Wikidata
Premios

Vitoria Reyes-García, nada en Barcelona en 1971, é unha científica española, profesora na Universidade Autónoma de Barcelona (UAB) e membro da Academia Nacional de Ciencias dos Estados Unidos.[1]

Traballa en proxectos internacionais de investigación centrados nos beneficios xerados polo coñecemento ecolóxico local e nos efectos que a economía de mercado provoca neste coñecemento. Reyes-García é investigadora principal do proxecto LICCI, financiado por Consello Europeo de Investigación, para coñecer o impacto do cambio climático en grupos indíxenas e comunidades locais de todo o mundo.[2][3]

Traxectoria[editar | editar a fonte]

Iniciou a súa formación universitaria na Universidade Autónoma de Barcelona, onde se licenciou en Historia en 1994. En 1995 realizou un posgrao sobre estudos amazónicos, na FLACSO, Ecuador, e en 1997 un máster en Desenvolvemento Sustentable na Universidade Internacional de Andalucía. Doutorouse en Antropoloxía na Universidade da Florida en 2001, e desde 2008 é profesora de Investigación ICREA no Institut de Ciència i Tecnologia Ambientals (ICTA), da Universidade Autónoma de Barcelona.[4][5]

Investigación[editar | editar a fonte]

En 1995 comezou os seus traballos de investigación nas aldeas de Ándelos e do Amazonas para estudar as diferenzas na xestión dos recursos naturais entre homes e mulleres.[6] De 1999 a 2004 viviu entre os cazadores recolectores tsimane', un grupo indíxena da Amazonía boliviana, onde realizou unha investigación sobre a transmisión do coñecemento das plantas. Desde 2006 coordina o grupo de investigación do Laboratorio de Análise de Sistemas Socioecolóxicos nun Mundo Global (LASEG), que cataliza a investigación sobre as relacións dinámicas poboo-contorna para comprender mellor como o coñecemento local e indíxena pode contribuír á sostibilidade ambiental.[4][2][7]

É unha das catro persoas científicas españolas que participaron na elaboración do documento “Avaliación Global sobre a Biodiversidade” da Plataforma Intergobernamental de Ciencia e Política sobre Biodiversidade e Servizos Ecosistémicos (IPBES), presentado en 2019 pola ONU en París. Neste informe advírtese de que a crise da biodiversidade, cun millón de especies en risco de extinción, pode pór en perigo á especie humana en cuestión de décadas.[8]

Proxecto LICCI[editar | editar a fonte]

Reyes-García dirixe un proxecto (LICCI), financiado por Consello Europeo de Investigación, que ten como obxectivo coñecer o impacto do cambio climático en 40 grupos indíxenas e comunidades locais de todo o mundo que viven en lugares onde se concentran os recursos naturais e resultan inaccesibles para os científicos. Conta cun equipo interdisciplinario e unha ampla rede de colaboradores que engloba a investigadores, profesionais e público en xeral interesados nos sistemas de coñecemento indíxenas e locais e o cambio climático.[3][6]

Liñas de investigación[editar | editar a fonte]

A investigación de Reyes-García abarca o estudo das relacións dinámicas entre os pobos, a biota e o medio ambiente. Utiliza unha perspectiva multidisciplinar (traballando con ecólogos, economistas, psicólogos, agrónomos, arqueólogos e informáticos) e datos empíricos, recompilados principalmente entre os grupos indíxenas e as comunidades locais, para analizar os efectos do cambio global nas sociedades rurais e as respostas sociais aos problemas ambientais.[4]

As súas áreas de investigación céntranse nos indicadores locais do cambio climático; a participación pública na documentación do coñecemento local; a natureza adaptativa do coñecemento ambiental local; os pobos indíxenas e o cambio cultural, e a participación local na conservación da biodiversidade.[4]

Recoñecementos[editar | editar a fonte]

En 2020, Reyes-García obtivo a medalla a Medalla Narcís Monturiol ao mérito científico e tecnolóxico, outorgada pola Generalitat de Cataluña, e en abril de 2021 foi nomeada membro da Academia Nacional de Ciencias dos Estados Unidos, en recoñecemento aos seus distinguidos e continuos logros na investigación orixinal.[9][10]

Publicacións[editar | editar a fonte]

É autora duns 200 artigos, e ten tres libros editados. Entre eles o titulado Cambio global, cambio local. A sociedade tsimane’ ante a globalización, coeditado con Tomás Huanca, director de CBIDSI e investigador asociado da Universidade de Brandeis (EEUU). Icaría Editorial, 2015. ISBN 9788498886245.[11]

Reyes tamén contou a súa experiencia materna mentres traballaba na súa investigación no Amazonas en “Mothering in the Fiel”, The Secret Lives of Anthropologists, (páxs. 182-203), publicado en 2019 por Routledge. ISBN 9781138501867.[10][12]

Notas[editar | editar a fonte]

  1. ↑ Barcelona, UAB-Universitat Autònoma de. "Victoria Reyes García del ICTA-UAB, elegida miembro de la prestigiosa National Academy of Sciences" (en castelán). Consultado o 2021-05-11. 
  2. ↑ 2,0 2,1 "Victoria Reyes García". ICTA - Institut de Ciència i Tecnologia Ambientals. Arquivado dende o orixinal o 13 de maio de 2021. Consultado o 2021-05-12. 
  3. ↑ 3,0 3,1 "Core Team" (en inglés). Arquivado dende o orixinal o 12 de maio de 2021. Consultado o 2021-05-12. 
  4. ↑ 4,0 4,1 4,2 4,3 "ICREA". Consultado o 2021-05-11. 
  5. ↑ "Victoria Reyes-García, Ph.D., CV" (PDF). Arquivado dende o orixinal (PDF) o 12 de maio de 2021. Consultado o 22 de maio de 2021. 
  6. ↑ 6,0 6,1 Tramullas, Gemma (2019-03-19). "Victoria-Reyes-García: "Hay-que-ver-la-vida-con-los-ojos-del-otro"" (en castelán). Consultado o 2021-05-12. 
  7. ↑ "Team" (en inglés). Consultado o 2021-05-15. 
  8. ↑ Barcelona, UAB-Universitat Autònoma de. "La investigadora del ICTA-UAB Victoria Reyes-García hablará del informe sobre Biodiversidad del IPBES en Madrid" (en castelán). Consultado o 2021-05-15. 
  9. ↑ "El Govern otorga los premios Narcís Monturiol al ICFO y a diez científicos" (en castelán). 2020-07-21. Consultado o 2021-05-11. 
  10. ↑ 10,0 10,1 Salas, Javier (2021-05-11). "La antropóloga que descubrió la ciencia y la maternidad en medio del Amazonas" (en castelán). Consultado o 2021-05-11. 
  11. ↑ "Cambio global, cambio local - Icaria Editorial". Consultado o 2021-05-11. 
  12. ↑ "Mothering in the Field". 

 

Traído desde «https://gl.wikipedia.org/w/index.php?title=Victoria_Reyes-García&oldid=6700059»