Victor David Brenner

Na Galipedia, a Wikipedia en galego.
Victor David Brenner
Retrato de Brenner. [1]
Nacemento12 de xuño de 1871
 Šiauliai
Falecemento5 de abril de 1924
 Nova York
ÁreaEscultura, deseño e gravado de moedas e medallas.
EducaciónCooper Union.
NacionalidadeEstados Unidos de América
[ editar datos en Wikidata ]

Victor David Brenner (chamado orixinalmente Avigdor David Brenner),[2] nado en Šiauliai, Lituania, o 12 de xuño de 1871 e finado en Queens, Nova York, o 5 de abril de 1924, foi un escultor, diseñador e gravador de medallas e de moedas estadounidense de orixe lituana, coñecido por ser o autor da moeda dun centavo de dólar Lincoln.

Brenner acadou a nacionalidade estadounidense o 27 de abril de 1896.[3]

Traxectoria[editar | editar a fonte]

Primeiros anos e formación[editar | editar a fonte]

Victor David Brenner naceu o 12 de xuño de 1871 na vila de Šiauliai, na parte do Imperio Ruso correspondente á actual Lituania,[4] nunha familia xudía, fillo de Sarah Margolis e de George Brenner. O seu avó era ferreiro e o seu pai un experto na talla ornamental e no gravado.[3]

Desde os 13 anos, Brenner comezou a formarse no oficio do seu pai, ata que en 1890, aos seus 19 anos, emigrou cara a América e asentouse en Nova York.[5] Alí comezou a traballar como gravador de selos e de xemas, e continuou a súa formación asistindo ás clases nocturnas na Cooper Union.[3][6]

En Nova York comezou tamén a afección á numismática de Brenner, quen en 1894 se afiliou á American Numismatic and Archaeological Society e en 1902 á American Numismatic Association.[2][5]

Carreira como gravador[editar | editar a fonte]

Victor David Brener no seu estudio en 1909, cun modelo en xeso do seu centavo Lincoln.[6]

En 1899, oito anos despois da súa chegada a América, cando deu aforrado o suficiente, marchou a París para perfeccionar os seus coñecementos no gravado artístico dos metais da man de —entre outros— Louis Oscar Roty,[5] na Académie Julian. Nesa cidade comezou a expor a súa obra e acadou os seus primeiros premios na Exposición Universal de París de 1900.[3][6]

Á súa volta a Nova York a súa carreira comezou a prosperar, ata o punto de que o presidente Theodore Roosvelt visitou o seu estudio para posar para unha medalla encargada a Brenner sobre a Canle de Panamá. Durante esa visita, o presidente quedou abraiado cunha plaqueta de Breener que representaba o busto de Abraham Lincoln, e ese foi o xerme da posterior encarga da obra máis representativa do gravador: o centavo Lincoln.[3][7]

Brenner morreu en Nova York o 5 de abril de 1924 en Nova York, e o seu corpo foi soterrado no cemiterio Mount Judah, en Ridgewood, Queens.[4]

Recoñecementos[editar | editar a fonte]

Obra[editar | editar a fonte]

O centavo Lincoln[editar | editar a fonte]

Artigo principal: Moeda dun centavo de dólar Lincoln.
Moeda dun centavo Lincoln de 1909 da Ceca de San Francisco, coas iniciais VDB no exergo do reverso.[9]

A obra pola que Brenner é máis recoñecido é o centavo Lincoln. Brenner convertérase nun dos principais medallistas do país e o presidente Roosevelt, que coñecía o seu talento, quería dedicarlle unha moeda a Lincoln co busto que vira na plaqueta de bronce do seu estudio,[2] baseada na fotografía de Mathew Brady, un fotógrafo de principios da Guerra Civil.[7]

Así as cousas, Roosevelt ordenou que se emitise unha nova moeda dun centavo baseada na obra de Brenner, para conmemorar o centenario de Lincoln en 1909. No seu primeiro ano de emisión, incorporáronse no exergo do reverso as iniciais de Brenner (V.D.B.), mais ao pouco tempo retiráronse, por considerárse demasiado prominentes, e en 1918 foron recuparadas, esta vez no truncamento do ombreiro do anverso.[2][7][10][11]

Outros traballos[editar | editar a fonte]

Placa de bronce elaborada por (1907), co busto de Abraham Lincoln.[12]

Entre a restante produción artística de Victor Brenner pódense salientar as seguintes obras:[5][6]

  • Medalla de Muhlenberg (1896), emitida pola American Numismatic and Archaeological Society).[13]
  • Medalla de Muhlenberg Medal (1896), emitida pola American Numismatic and Archaeological Society).[14]
  • Plaqueta co retrato de Fridtjof Nansen (1897).[15]
  • Medallón co retrato de Clovis Delacour (1899).[16]
  • Medallón co retrato de J. Sanford Saltus (1900).[17]
  • Selo da Biblioteca Pública de Nova York (1903).[18]
  • Medallón co retrato do Príncipe Henrique de Prusia (1902).[19]
  • Plaqueta co retrato de John Paul Jones (1906).[20]
  • Plaqueta co retrato de Abraham Lincoln (1907).[12]
  • Plaqueta co retrato de Katrina Trask (1907).[21]
  • Escultura do busto de Charles Eliot Norton (1907).[22]
  • Plaqueta co retrato de Carl Schurz (1908).[23]
  • Escultura monumental A Song to Nature (1918), na praza Schenley, da Universidade de Pittsburgh.[24]
  • Medalla de William A. Muhlenberg (1896).

    Medalla de William A. Muhlenberg (1896).

  • Plaqueta de Fridtjof Nansen (1897).

    Plaqueta de Fridtjof Nansen (1897).

  • Medallón de Clovis Delacour (1899).

    Medallón de Clovis Delacour (1899).

  • Plaqueta de J. Sanford Saltus (1900).

    Plaqueta de J. Sanford Saltus (1900).

  • Medallón do Príncipe Henrique de Prusia (1902).

    Medallón do Príncipe Henrique de Prusia (1902).

  • Selo para a Biblioteca Pública de Nova York (1903).

    Selo para a Biblioteca Pública de Nova York (1903).

  • Plaqueta de John Paul Jones (1906).

    Plaqueta de John Paul Jones (1906).

  • Busto de Charles Eliot Norton (1907).

    Busto de Charles Eliot Norton (1907).

  • Plaqueta de Katrina Trask (1907).

    Plaqueta de Katrina Trask (1907).

  • Plaqueta de Carl Schurz (1908).

    Plaqueta de Carl Schurz (1908).

  • A Song of Nature (1918), en Pittsburg.

    A Song of Nature (1918), en Pittsburg.

Notas[editar | editar a fonte]

  1. ↑ "V.D. Brenne"". Library of Congress.
  2. ↑ 2,0 2,1 2,2 2,3 McMorrow-Hernandez, J. (2020). "Victor David Brenner & His Lincoln Cent". Professional Coin Grading Services (PCGS).
  3. ↑ 3,0 3,1 3,2 3,3 3,4 Baranauskas, E. W. (2000).
  4. ↑ 4,0 4,1 "Victor David Brenner". Findagrave.com
  5. ↑ 5,0 5,1 5,2 5,3 Forrer, L. (1904). Páxina 277.
  6. ↑ 6,0 6,1 6,2 6,3 "The Lincoln Cent and his Maker". En Harper's Weekly. Vol. 53. 21 de agosto de 1909. Páxina 24.
  7. ↑ 7,0 7,1 7,2 Margolick, D. (2007). "Penny Foolish". En The New York Times. 11 de febreiro.
  8. ↑ "The Saltus Medal Award". American Numismatic Society.
  9. ↑ "1 Cent "Lincoln - Wheat Ears Reverse"". Numista.com
  10. ↑ "The Lincoln Cent and his Maker". En Harper's Weekly. Vol. 53. 21 de agosto de 1909. Páxina 24.
  11. ↑ "Coin Designer Profiles: Victor David Brenner". En Coin Week. 4 de agosto de 2015.
  12. ↑ 12,0 12,1 "Abraham Lincoln 1907". Metropolitan Museum of Art.
  13. ↑ "The William Augustus Muhlenberg Medal 1896". Metropolitan Museum of Art.
  14. ↑ "The William Augustus Muhlenberg Medal 1896". Metropolitan Museum of Art.
  15. ↑ "Fridtjof Nansen 1897". Metropolitan Museum of Art.
  16. ↑ "Clovis Delacour 1899". Metropolitan Museum of Art.
  17. ↑ "J. Sanfor Saltus 1900". Metropolitan Museum of Art.
  18. ↑ "Hahlo-2, The New York Public Library Seal". American Numismatic Society.
  19. ↑ "Prince Henry of Prussia 1902". Metropolitan Museum of Art.
  20. ↑ "John Paul Jones 1906". Metropolitan Museum of Art.
  21. ↑ "Katrina Trask 1907". Metropolitan Museum of Art.
  22. ↑ "Object Number 1907.3". Harvard Art Museums.
  23. ↑ "Carl Schurz 1907". Metropolitan Museum of Art.
  24. ↑ "A Song of Nature, by Victor David Brnner 1918". University of Pittsburg.

Véxase tamén[editar | editar a fonte]

Bibliografía[editar | editar a fonte]

Traído desde «https://gl.wikipedia.org/w/index.php?title=Victor_David_Brenner&oldid=6470805»