Vicente

San Vicente Mártir.

Vicente ou Vicenzo son dúas variantes galegas dun antropónimo masculino. Ten a súa orixe no latín Vincentius, relativo á palabra "vincens", que significa "vencedor", "conquistador", ou "sedutor". Tamén é coñecido como o sinónimo de Vítor que deriva de vitoria, é dicir, tamén significa o que nunca perde, ou o mellor.

Variantes

• Feminino (galego): Vicenta ou Vicenza.

O nome en Galicia

O nome foi moi común en Galicia, xa que existen numerosas parroquias onde o patrón é San Vicente, exactamente 31 na variante San Vicenzo (véxase: Parroquias de Galicia baixo a advocación de san Vicente) e 67 coa variante San Vicente (véxase: Parroquias de Galicia baixo a advocación de san Vicente). No ano 2016 en Galicia un total de 3529 persoas levaban como nome Vicente, mentres eran 6 na versión Vicenzo. Na súa forma feminina, Vicenta estaban rexistradas 437 persoas.

Variantes noutras linguas

Variantes noutras linguas
Castelán	Vicente
Catalán	Vicenç
Checo	Vincenc
Éuscaro	Bixente
Francés	Vincent
Galego	Vicente / Vicenzo
Húngaro	Vince
Inglés	Vincent
Italiano	Vincenzo
Irlandés	Uinseann
Lituano	Vincentas
Polaco	Wincenty
Portugués	Vicente
Ruso	Викентий
Sueco	Vincent

Santoral

• 22 de xaneiro, santoral de San Vicente Mártir.
• 5 de abril, San Vicente Ferrer (aínda que en Valencia se celebra o luns a seguir ao segundo domingo de Pascua).
• 27 de setembro, San Vicente de Paúl.

Relixión

Santos

• San Vicente Mártir ou Vicente de Zaragoza (†304) - Festividade: 22 de xaneiro.
• San Vicente Ferrer (Valencia 1350 - Vannes 1419) - Festividade: 5 de abril.
• San Vicente de Paúl (Pouy 1581 - 1660) - Festividade: 27 de setembro.
• San Vicente de Iberia, Mártir (Lezuza †253).
• San Vicente Pallotti, (1785-1850), fundador da orde dos palotinos - Festividade: 22 de xaneiro.

Véxase tamén

Outros artigos

• San Vicente
• Parroquias de Galicia baixo a advocación de san Vicenzo
• Parroquias de Galicia baixo a advocación de san Vicente