Verín

Para outras páxinas con títulos homónimos véxase: Verín (homónimos).

Verín

Localización
41°56′27″N 7°26′09″O
Estado	España
Comunidade autónoma	Galicia
Provincia	Provincia de Ourense
Capital de	Comarca de Verín
Capital	Verín
Poboación
Poboación	13.612 (2023) (144,65 hab./km²)
Xeografía
Parte de	Mancomunidade de concellos da comarca de Verín
Superficie	94,1 km²
Altitude	373 m
Comparte fronteira con	Oímbra Vilardevós Castrelo do Val Monterrei Chaves
Organización política
• Alcalde	Gerardo Seoane Fidalgo
Eleccións municipais en Verín
Identificador descritivo
Código postal	32600
Fuso horario	UTC+01:00
Código INE	32085
Páxina web	verin.gal

Verín é un concello da provincia de Ourense en Galicia, pertencente á comarca de Verín, da que é capital. Cunha poboación de 13 817 persoas segundo o padrón municipal de 2018, é o terceiro concello da provincia en poboación, despois de Ourense e O Carballiño.

Onomástica

O topónimo Verín ten orixe no antropónimo latino Verinus a través da forma en xenitivo (Villa) Verini. O xentilicio é verinés/-esa ou verinense.

Xeografía

O concello, de 93,9 km², abrangue 15 parroquias. Limita ao norte co concello de Castrelo do Val, ao leste co concello de Vilardevós, ao sur con Chaves (Portugal), ao oeste co concello de Oímbra e ao noroeste co concello de Monterrei.

Este concello está situado no cuadrante suroriental da provincia de Ourense, lindando polo sur coa fronteira portuguesa. Dista 72 km de Ourense, 170 km de Vigo e 25 km de Chaves. A vila, localizada no corazón da fértil comarca do Val de Monterrei, xurdiu ao pé dunha importante fortaleza medieval e constitúe un dos principais e máis prósperos núcleos urbanos da provincia.

Situado na depresión de Verín, o relevo deste municipio mostra dous sectores diferentes: un formado polo val do río Támega e o outro polos relevos montañosos que o circundan ao oeste, onde a altitude chega aos 940 metros no Alto de Valdeagua. Tamén atravesa o municipio unha falla denominada Creba dá Corga, pola que flúen moitos mananciais de augas minerais.

A rede hidrográfica organízase en torno ao río Támega, cos seus afluentes Abedes, Búbal, Rego Novo e Rego dous Gondulfes. Este río pertence á conca do Douro.

As superficies forestais están formadas por árbores de ribeira, piñeiros e por matogueiras. As terras de cultivo son de gran fertilidade e sitúanse na zona do val, onde abundan as viñas, que proporcionan o famoso viño de Monterrei. As condicións climáticas, que favorecen a calidade do viño, caracterízanse pola súa suavidade térmica no inverno, a calor estival e as escasas precipitacións.

Demografía

Censo total	13 817 (2018)
Menores de 15 anos	1.777 (12.86 %)
Entre 15 e 64 anos	8.559 (61.95 %)
Maiores de 65 anos	3.481 (25.19 %)

^{Instituto Nacional de Estadística}

Evolución da poboación de Verín   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
4 968	6 814	8 841	10 051	13 585	14 391	14 633	14 707	14 760	14 652	14 107	14 131	13 889	13 817	13 723	13 647	13 644	13 625
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

<div class="transborder" style="position:absolute;width:100px;line-height:0; <div class="transborder" style="position:absolute;width:100px;line-height:0; <div class="transborder" style="position:absolute;width:100px;line-height:0; <div class="transborder" style="position:absolute;width:100px;line-height:0;

Distribución da poboación activa.      Servizos (61,31%)     Sector primario (4,6%)     Industria (16,97%)     Construción (17,09%)

Historia

Nas terras do concello quedaron restos de poboamento neolítico e castrexo, ademais de restos romanos, polo paso das vías XVII e XVIII do Itinerario de Antonino.

En 1868, coa entrada en vigor do Tratado de Lisboa de 1864, perdeu a parroquia de Lamadarcos, que foi anexada a Portugal.

Cultura

Casa do Escudo ou do Asistente

Patrimonio

• Igrexa parroquial de Santa María a Maior
• Pazo dos Acevedo
• Igrexa da Mercede
• Capela de San Lázaro
• Casa do Escudo ou do Asistente
• Santuario dos Remedios
• Balneario de Sousas
• Balneario de Cabreiroá

• Balneario de Caldeliñas
• Fonte do Sapo

Festas e celebracións

As celebracións de máis sona son as do Entroido, das que destaca a súa vestimenta tradicional e as súas máscaras típicas, os cigarróns.

O 15 de agosto celébranse as festas patronais na honra de Santa María. Outras festas a destacar son as de San Lázaro, que inclúen unha feira gastronómica, e que teñen lugar no mes de marzo ou abril. Por outra parte, os días 3, 11 e 23 de cada mes celébrase a feira na Praza da Alameda de Verín. Cabe destacar finalmente os maios e as Xornadas do Folclore, o 15 de agosto.

Na literatura popular

• Do outro lado do río/ ouvín cantare e vin:/ eran os meus amores/ que ían para Verín .

Recoñecementos

• 2012: Xuíz Honorario do Couto Mixto.

Galería de imaxes

Artigo principal: Galería de imaxes de Verín.

• 
  Verín dende o Castelo de Monterrei
• 
  Praza García Barbón.
• 
  Cigarróns
• 
  Estatua de Dioniso e Ampelos

Lugares de Verín

Para unha lista completa de todos os lugares do concello de Verín vexa: Lugares de Verín.

Véxase tamén

Bibliografía

• "Verín". Diccionario enciclopédico galego universal 59. La Voz de Galicia. 2003-2004. pp. 41–42. ISBN 84-7680-429-6. 
• "Verín". Diciopedia do século 21 3. Do Cumio, Galaxia e do Castro. 2006. p. 2156. ISBN 978-84-8288-942-9. 
• "Verín". Enciclopedia Galega Universal 16. Ir Indo Edicións. 1999-2002. pp. 326–329. ISBN 84-7680-288-9. 
• "Verín". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 

Outros artigos

• Condado de Monterrei
• Castelo de Monterrei
• Gastronomía da provincia de Ourense

Ligazóns externas

• Verin.es Arquivado 15 de agosto de 2018 en Wayback Machine. Cidade da Auga.
• Verín en OpenStreetMap.

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---