Veronica Lake

Na Galipedia, a Wikipedia en galego.
Saltar ata a navegación Saltar á busca
Veronica Lake
Veronica Lake still.jpg
Nome completo Constance Frances Marie Ockelman
Nacemento 14 de novembro de 1922
Lugar Nova York
Falecemento 7 de xullo de 1973
Lugar Burlington, Vermont
Causa Hepatite e insuficiencia renal
Nacionalidade Estados Unidos de América Estados Unidos
Cónxuxe(s) John S. Detlie (1940-1943)
André de Toth (1944-1952)
Joseph A. McCarthy (1955-1959)
Robert Carleton-Munro (1972-1973)
Profesión Actriz
editar datos en Wikidata ]

Constance Frances Marie Ockelman, nada en Nova York o 14 de novembro de 1922 e finada en Burlington (Vermont) o 7 de xullo de 1973 foi unha actriz estadounidense, coñecida como Veronica Lake.

Traxectoria[editar | editar a fonte]

Despois de varias mudanzas, a familia marchou a Beverly Hills en 1938, onde Veronica comezou a estudar interpretación. Os seus primeiros papeis no cinema foron como extra, sendo o seu primeiro filme Sorority House, de John Farrow, que foi quen notou que o seu cabelo sempre cubría o seu ollo dereito. Destacou por primeira vez nun pequeño papel en Forty Little Mothers e conseguiu un contrato coa Paramount Pictures.

A partír de entón participou en filmes moi populares, sendo nuns anos da década de 1940 unha das actrices máis comerciais de Hollywood. Especialmente coñecidos foron os seus traballos con Alan Ladd, co que a emparellaron debido a curta estatura de ambos.

Durante a Segunda Guerra Mundial o goberno pediulle que cambiase o seu peiteado para axudar a que as mulleres que estaban a traballar nas fábricas levasen un peiteado máis práctico e seguro. Aínda que se reduciron os accidentes tamén decaeu a carreira cinematográfica de Lake.

Durante a súa carreira tivo fama de ser complicado traballar con ela e a mediados da década de 1940 comezou a abusar do alcohol. En 1948 a Paramount decidiu non renovar o seu contrato. En 1951 apareceu nun último filme e ese mesmo ano ela e o seu marido, André de Toth, declaráronse en bancarrota. Lake fixo algúns traballos no teatro e na televisión.

Tras o seu divorcio, viviu en hoteis baratos de Nova York e foi arrestada varias veces por embriaguez. En 1962 un xornalista do New York Post descubriuna traballando de camareira nun hotel de Manhattan.

En 1969 publicou a súa autobiografía, Veronica: The Autobiography of Veronica Lake. Co diñeiro gañado con ela produciu o seu último filme, unha película de terror de pouco orzamento titulada Flesh Feast.

Finou en 1973 de hepatite aguda e dano renal.

Filmografía[editar | editar a fonte]

Ano Filme
1939 Sorority House
1939 The Wrong Room
1939 Dancing Co-Ed
1939 All Women Have Secrets
1940 Young as You Feel
1940 Forty Little Mothers
1941 I Wanted Wings
1941 Hold Back the Dawn
1941 Sullivan's Travels
1942 This Gun for Hire
1942 The Glass Key
1942 I Married a Witch
1943 So Proudly We Hail!
1944 The Hour Before the Dawn
1945 Bring on the Girls
1945 Out of This World
1945 Hold That Blonde
1946 Miss Susie Slagle's
1946 The Blue Dahlia
1947 Ramrod
1948 Saigon
1948 The Sainted Sisters
1948 Isn't It Romantic?
1949 Slattery's Hurricane
1951 Stronghold
1966 Footsteps In the Snow
1970 Flesh Feast

Véxase tamén[editar | editar a fonte]

Bibliografía[editar | editar a fonte]

  • Bloomfield, Gary L.; Shain, Stacie L.; Davidson, Arlen C. (2004). Globe Pequot, ed. Duty, Honor, Applause: America's Entertainers in World War II. ISBN 1-59228-550-3. 
  • Burroughs Hannsberry, Karen (2009). McFarland, ed. Femme Noir: Bad Girls of Film. ISBN 0-786-44682-X. 
  • Chierichetti, David (2004). HarperCollins, ed. Edith Head: The Life and Times of Hollywood's Celebrated Costume. ISBN 0-06-056740-6. 
  • Donnelley, Paul (2003). Omnibus Press, ed. Fade To Black: A Book of Movie Obituaries. ISBN 0-7119-9512-5. 
  • Hare, William (2008). McFarland & Company, ed. L.A. Noir: Nine Dark Visions of the City of Angels. ISBN 978-0786437405. 
  • Hiney, Tom (1999). Grove Press, ed. Raymond Chandler: A Biography. ISBN 0-8021-3637-0. 
  • Hischak, Thomas S. (2011). McFarland & Company, ed. Disney Voice Actors: A Biographical Dictionary. ISBN 978-0786462711. 
  • Parish, James Robert (2001). Contemporary Books, ed. The Hollywood Book of Death: The Bizarre, Often Sordid, Passings of More than 125 American Movie and TV Idols. ISBN 0-8092-2227-2. 
  • Parish, James Robert; Pitts, Michael R. (2003). Taylor & Francis, ed. Hollywood Songsters: Singers Who Act and Actors Who Sing: A Biographical Dictionary. ISBN 0-415-94333-7. 
  • Starr, Kevin (2003). Oxford University Press, ed. Embattled Dreams: California in War and Peace, 1940-1950. ISBN 0-19-516897-6. 
  • Terkel, Studs (1999). The New Press, ed. The Spectator: Talk About Movies and Plays With Those Who Made Them. ISBN 1-565-84553-6. 

Ligazóns externas[editar | editar a fonte]