Verica Nedeljković

Verica Nedeljković

Biografía
Nacemento	16 de setembro de 1929 Čačak, Serbia
Morte	13 de decembro de 2023 (94 anos) Belgrado, Serbia
Actividade
Ocupación	xadrecista
Nacionalidade deportiva	Serbia
Deporte	xadrez
Título de xadrecista	Mestra Internacional Feminina (1954) Gran Mestra Feminina (1978)
Puntos ELO (màx.)	2.215 (2022)<
Identificador FIDE	909807
Participou en
1966	Olimpíada de xadrez para mulheres de 1966 (pt)
1963	Olimpíada de xadrez para mulheres de 1963 (pt)
Familia
Cónxuxe	Srećko Nedeljković

Verica Nedeljković (serbio: Верица Недељковић), de nacemento Jovanović (serbio: Јовановић), nada en Pridvorica (República Socialista de Serbia, Iugoslavia) o 16 de setembro de 1929 e finada en Belgardo o 13 de decembro de 2023, foi unha xadrecista iugoslava e serbia, Gran Mestra Feminina desde 1978.

Traxectoria

Entre mediados dos anos 50 e finais dos anos 60 foi unha das principais xadrecistas mulleres do país. Nedeljković foi seis veces campioa do Campionato Feminino de Xadrez de Iugoslavia (1950, 1951, 1952, 1953, 1958 e 1965), amais doutros campionatos internacionais femininos.

Participou en catro ocasións no Torneo de Candidatas do Mundial Feminino de Xadrez:

• En Moscova 1955 logrou o 6º lugar
• En Plovdiv 1959 logrou o 2º lugar
• En Vrnjačka Banja 1961 compartiu o 4º e o 6º lugar
• En Sukhumi 1964 logrou o 9º lugar
• En Subotica 1967 logrou o 6º lugar

Verica Nedeljković xogou co equipo de Iugoslavia nas Olimpíadas Femininas de Xadrez:

• En Split 1963, no taboleiro 2 (+12, =0, -0), obtivo a medalla de prata do equipo e a de ouro individual.
• En Oberhausen 1966, no taboleiro 2 (+4, =4, -2).

En 1954 recibiu o título de Mestra Internacional Feminina. En 1978 recibiu o título honorario de Gran Mestra Feminina.

Tras graduarse, traballou como enxeñeira naval e profesora na Universidade de Belgrado. Casou con Srećko Nedeljković (1923-2011), xogador e adestrador de xadrez e médico.