Verónica Codesal

Verónica Codesal
	;
Biografía
Nacemento	16 de setembro de 1977 (48 anos); Uccle
Actividade
Campo de traballo	Artes escénicas
Ocupación	cantante
Xénero artístico	World music
Instrumento	Voz
Participou en
1956	Festival de Eurovisión

Verónica Codesal, nada en Uccle (Bélxica) o 16 de setembro de 1977 é unha cantante galega-belga, membro dos grupos Urban Trad e Ialma.

Traxectoria

Filla de emigrantes de Guitiriz en Bélxica e ela mesma nada e criada aló, Verónica Codesal é profesora do grupo de danza tradicional de Bruxelas Foliada, e vocalista, pandeireteira e gaiteira dos grupos Ialma, Camaxe e Urban Trad. Ten participado nas actividades de Muziekpublique, un organismo que ten por obxectivo promover as músicas do mundo en Bélxica.

Eurovisión

Con este conxunto participou no Festival de Eurovisión, na súa edición de 2003, co que se converteu na primeira galega en facelo. Urban Trad, que representou a televisión belga coa canción "Sanomi", composta nun idioma inventado polo grupo, conseguiu 165 puntos, e quedou na segunda praza por detrás de Turquía.

Foi membro activo da Plataforma Nunca Máis en Bruxelas.

En 2023 presentou o seu novo proxecto 100 voltas xunto a Didier Laloy e Damien Chierici, un conxunto de temas con influencias de diversos xéneros e procedencias musicais, e con letras de Rosalía Fernández Rial, Lucía Aldao, Yolanda Castaño, Brais Fernandes etc.^[1]

Notas

↑ "A cantora galaico-belga Verónica Codesal presenta o seu novo proxecto na Illa de Arousa". Pontevedra Viva. 2023-07-24. Consultado o 2023-07-27.

Véxase tamén

Ligazóns externas

Vídeo de 100 VOLTAS - Cachondemia - YouTube

[1] "A cantora galaico-belga Verónica Codesal presenta o seu novo proxecto na Illa de Arousa". Pontevedra Viva. 2023-07-24. Consultado o 2023-07-27.

[1]