Veneranda Manzano

Na Galipedia, a Wikipedia en galego.
Veneranda Manzano
Nome completoVeneranda García Manzano
Nacemento27 de abril de 1893
Lugar de nacementoPiloña e Beloncio
Falecemento10 de febreiro de 1992
Lugar de falecementoOviedo
NacionalidadeEspaña
Ocupaciónpolítica e mestra
editar datos en Wikidata ]

Veneranda García-Blanco Manzano, coñecida tamén como Veneranda Manzano, nada en Beloncio o 27 de abril de 1893 e finada en Oviedo o 10 de febreiro de 1992, foi unha mestra e política española, deputada durante a Segunda República.

Traxectoria[editar | editar a fonte]

Naceu na parroquia asturiana de Beloncio, pertencente ó concello de Piloña, o 27 de abril de 1893. Mestra de profesión, residiu en Cuba durante a década de 1920. Militante socialista, foi elixida deputada por Oviedo das Cortes republicanas nas eleccións de 1933.[1]

Ó remate da guerra civil española pasou a Francia, alí perdería a visión e máis tarde asentaríase exiliada en México. Veneranda, á que se lle retirou o carné do PSOE xunto a Negrín e o resto dos seus seguidores en 1946, converteríase en membro do PCE en 1947. Retornou a España en 1976.[2]

Faleceu en Oviedo o 10 de febreiro de 1992.[1]

Notas[editar | editar a fonte]

  1. 1,0 1,1 "García-Blanco Manzano, Veneranda. 55. Elecciones 19.11.1933". Congreso dos Deputados. Arquivado dende o orixinal o 28 de agosto de 2017. Consultado o 25 de agosto de 2021. 
  2. Cuartas, Javier. "Veneranda García-Blanco, militante histórica socialista".