Venceslau I de Bohemia (duque)
| San Venceslau de Bohemia | |
|---|---|
 Estatua ecuestre de Venceslau en Praga | |
| Mártir | |
| Biografía | |
| Nacemento | c. 907 en Praga (Bohemia) |
| Pasamento | 28 de setembro de 935 en Stará Boleslav (Bohemia) |
| Proceso de canonización | |
| Canonización | Anterior á Congregación |
| Veneración | |
| Venerado/a en | Igrexa Católica Igrexa Ortodoxa |
| Festividade | 28 de setembro |
| Santuario principal | Catedral de San Vito, Praga |
| Atributos | Coroa, daga, aguia nunha bandeira |
| Patrón/a de | Bohemia, República Checa e Praga |
Venceslau I de Bohemia ou San Venceslau I de Bohemia (en checo Václav), nado contra o ano 907 en Praga (Bohemia) e finado o 28 de setembro de 935 en Stará Boleslav (Bohemia), foi o duque de Bohemia dende 921 ata o seu asasinato en 935, presuntamente nun complot ideado polo seu propio irmán, Boleslav o Cruel. Venceslau era fillo de Vratislav I, duque de Bohemia da dinastía dos Přemyslovci.
Traxectoria[editar | editar a fonte]
En 921, cando Venceslau contaba con 13 anos de idade, seu pai morreu, sendo el criado pola súa avoa, Santa Ludmila, baixo a influencia cristiá nun territorio aínda pagán no que o cristianismo tiña pouca difusión.
En 924 ou 925 Venceslau asumiu o goberno, apoiando a nova relixión e chamando a misioneiros de Alemaña. A defensa da nova relixión fíxolle loitar contra boa parte da nobreza, contraria ao catolicismo, entre eles súa nai Dramomira e seu irmán Boleslav. Logo de gañar o trono, con apenas 18 anos derrotou ao rebelde duque da Kouřim, chamado Radslav.
Foi el quen fundou a que actualmente é coñecida como Catedral de San Vito, no Castelo de Praga.
En setembro de 935, un grupo de nobres aliados co irmán máis novo de Venceslau,(Boleslaw I de Bohemia, alcumado o Cruel), descontentos con el, conspiraron para matalo. Deste xeito tres deles (Tira, Čsta e Hněvsa), no momento no que facía o camiño cara a igrexa, asasinárono. Foi con ese acto co que Boleslau asumiu o cargo de novo duque de Bohemia e seu irmán máis vello pasou a ser visto como mártir católico.
O corpo de San Venceslau foi sepultado en Praga, na Igrexa de San Vito.
Os devotos locais comezaron a veneración ao corpo e San Venceslau é hoxe patrón da República Checa, de Eslovaquia e de Bohemia.
