Vaso de precipitados
| Vaso de precipitados | |||||||||
|---|---|---|---|---|---|---|---|---|---|
| |||||||||
| |||||||||
| |||||||||
| |||||||||
| Wikidata G:Commons C:Commons | |||||||||
Un vaso de precipitados é un recipiente cilíndrico de vidro borosilicatado fino que se utiliza con frecuencia no laboratorio,[1][2][3] sobre todo, para preparar ou quentar substancias e traspasar líquidos. Son cilíndricos cun fondo plano; e poden ter capacidades diversas, que van desde 1 ml ata de varios litros. Normalmente son de vidro, de metal ou dalgúns tipos de plástico (especialmente polietileno, polipropileno ou politetrafluoretileno).
Adoitan estar graduados, pero esta graduación é inexacta pola mesma natureza do artefacto, xa que a súa forma regular facilita que pequenas variacións na temperatura ou mesmo no material que se verte pasen desapercibidas na graduación. Non é recomendable empregalo para medir volumes de substancias, xa que é un material que se somete a cambios bruscos de temperatura, o que o descalibra e favorece que dea medidas erróneas.
Tipos
[editar | editar a fonte]O modelo máis frecuente é o vaso baixo (tipo A da imaxe anexa), que ten unha altura 1,4 veces superior ao seu diámetro,[4] e un bico que facilita a vertedura de líquidos sen que se produzan derrames. Habitualmente recibe o nome de vaso Griffin na honra do seu deseñador, John Joseph Griffin.
Os vasos altos (tipo B) teñen unha altura dúas veces superior ao seu diámetro, e ás veces carecen de bico. Coñécense como vaso Berzelius na honra do químico sueco Jöns Jacob Berzelius.
Os cristalizadores (tipo C) reciben tamén o nome de vasos planos, e empréganse como recipiente para realizar a cristalización dun composto a partir dunha das súas disolucións, ou para quentar ao baño maría. Estes vasos polo xeral non teñen escala graduada.
Notas
[editar | editar a fonte]- ↑ Vocabulario de química : (galego-español-inglés). Santiago de Compostela: Univ. de Santiago de Compostela, Servizo de Normalización Lingüística. 2002. ISBN 9788497500203. OCLC 712588388.
- ↑ Xunta de Galicia (ed.). "Vaso". digalego.xunta.gal. Arquivado dende o orixinal o 01 de abril de 2019. Consultado o 1 de abril de 2019.
Vaso cilíndrico de vidro, resistente ao lume, provisto de bico e a miúdo graduado, que se emprega nos experimentos
- ↑ "Comparación entre vidrios borosilicato". El blog de QuercusLab (en castelán). 2014-04-17. Consultado o 1 de abril de 2019.
- ↑ "Material de vidrio para laboratorio. Vasos. (ISO 3819:2015)". Arquivado dende o orixinal o 04/03/2017. Consultado o 03/03/2017.
