Val d'Isère

Val d'Isère

Val-d'Isère (fr)
Epónimo	Río Isère
Localización
45°26′59″N 6°58′38″L
Estado	Francia
Divisións administrativas	Francia Metropolitana
Rexións	Auvernia-Ródano-Alpes
Departamento	Savoia
Poboación
Poboación	1.572 (2022) (16,65 hab./km²)
Xeografía
Situado na entidade territorial estatística	Q108921883
Superficie	94,39 km²
Bañado por	Río Isère
Altitude	1.850 m-1.785 m-3.599 m
Comparte fronteira con	Ceresole Reale (pt) Tignes Val-Cenis Bonneval-sur-Arc Rhêmes-Notre-Dame (pt) Bessans Termignon
Identificador descritivo
Código postal	73150
Fuso horario	UTC+01:00, horario estándar UTC+02:00, horario de verán
Sitio web	valdisere.fr

Val d'Isère (en francés) ou Lavâl en (francoprovenzal, non oficial), é un concello alpino francés, pertencente ao departamento de Savoia e á rexión de Ródano-Alpes.

Xeografía

O concello de Lavâl está situado a unha grande altitude, entre os 1785 m e os 3599 m sobre o nivel do mar, o que o converte nun dos máis elevados de todo o continente. Escasamente poboado (1753 habitantes en 2006), e cunha extensión de 94,39 km², vive fundamentalmente do turismo de inverno. O núcleo principal de poboación sitúase no punto de cruzamento de tres vales, e ao pé do macizo da Sassière.

A estación de esquí de Val d'Isère conta con 47 remontes, 79 pistas de esquí alpino (150 km) e 8 pistas de esquí de fondo (20 km)

Historia, cultura, monumentos

Ben pouco se coñece de Val d'Isère, pois ata o século XX era unicamente un conxunto de campos onde pacía gando de montaña, e onde vivía moi pouca xente, illada do resto durante boa parte do ano. Con todo, conserva unha pequena igrexa barroca do século XVIII. Nos anos trinta do século XX comeza a construción da estación de esquí, fundamentalmente grazas ao traballo dos labregos locais e dos burros, que facían o transporte de material a unha zona incomunicada. En 1932 inaugúrase a primeira telecabina, ao tempo que comezan a desenvolverse os recursos hostaleiros. En 1933 ábrese o primeiro remonte, o Rogoney. O 10 de febreiro de 1970 prodúcese unha avalancha na Sassière, a 3.206 m de altura, que sepulta 39 mozos.

Val d'Isère é un punto habitual de saída e chegada do Tour de Francia. Acolleu ademais diversas probas nos Xogos Olímpicos de Albertville 1992 e nela celebraranse os campionatos mundiais de esquí de 2009.

Véxase tamén

Ligazóns externas

• Web turística oficial de Lavâl
• Web oficial dos mundiais de esquí alpino de 2009 Arquivado 08 de febreiro de 2009 en Wayback Machine.