Víctor Corral
| Biografía | |
|---|---|
| Nacemento | 14 de setembro de 1937  Baamonde, España |
| Morte | 15 de decembro de 2021 (84 anos) |
| Datos persoais | |
| País de nacionalidade | España |
| Educación | Escola de Arte e Superior de Deseño Pablo Picasso (EASD) Escola de Belas Artes de Barcelona |
| Actividade | |
| Ocupación | escultor |
| Lingua | Lingua castelá e lingua galega |
Víctor Corral Castro, nado en Baamonde (Begonte) o 14 de setembro de 1937 e finado o 15 de decembro de 2021, foi un escultor galego.
Traxectoria[editar | editar a fonte]
Empezou a facer esculturas no monte, coas rochas, cando era neno e coidaba as vacas. Realizou estudos primarios e traballou no campo. Tras dous anos de estudos na Escola de Artes na Coruña e outros dous na Escola da Lonxa de Barcelona, montou o seu primeiro obradoiro en 1963. Tres anos máis tarde facía a súa primeira exposición na Cidade Condal. Despois dalgunhas exposicións en España e no estranxeiro, comezou a construír a súa Casa museo na súa parroquia natal de Baamonde, onde ten esculturas de pedra e bronce no xardín, e de madeira, marfil, bronce e miniaturas de luxo no interior. Na igrexa parroquial de Baamonde hai un castiñeiro centenario coa Virxe do Rosario tallada no interior (caben 4 persoas).
En 2015 foi nomeado fillo predilecto do concello de Begonte. No 2021 foille adicado un Hectómetro literario no Paseo dos Soños vilalbés.
Obra[editar | editar a fonte]
Ademais dunha gran colección de esculturas que se atopan por todo o mundo e en man de particulares, realizou máis de 20 monumentos en granito e bronce que se encontran en espazos naturais en Galicia e Zamora.
Casa-Museo de Víctor Corral en Baamonde[editar | editar a fonte]
Dentro da casa do artista, a exposición ocupa dous ambientes diferenciados: o xardín con obras en materiais non perecedoiros (granito e bronce) e o interior con esculturas, de arte abstracta e relixiosa, en madeira, bronce e marfil. O escultor tamén experimenta con outros tipos de material soporte: acuarela e óleo. O universo temático das súas composicións está marcado polo amor a Galicia e as súas profundas crenzas relixiosas. Símbolo desta conxunción é a capela anexa á casa, a virxe realizada no interior dun castiñeiro e un pombal con pedras e minerais de case todo o mundo, no xardín.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Víctor Corral  |
Bibliografía[editar | editar a fonte]
- NOVO CAZÓN, J. L. (2001): Obra escultórica de Víctor Corral Castro. OPHIUSA.
- BADINO BAAMONDE, J. (2010): "Víctor Corral o el chairego que hablaba con las manos", en Madrygal. Revista de Estudios Gallegos.
Ligazóns externas[editar | editar a fonte]
- Casa museo de Víctor Corral
- «Agora colgan un iogur dun cordón e din que é arte, pero é un cachondeo», entrevista de Jorge Casanova en La Voz de Galicia, 19 de decembro de 2014.
- Victor Corral, el castaño de Baamonde en YouTube.
