Víctor Castro Rodríguez
| Biografía | |
|---|---|
| Nacemento | 20 de xaneiro de 1879  Negreira, España |
| Morte | 16 de febreiro de 1942 (63 anos) Ferrol, España |
| Datos persoais | |
| País de nacionalidade | España |
| Actividade | |
| Ocupación | farmacéutico , xornalista , escritor |
| Lingua | Lingua castelá |
Víctor Castro Rodríguez, nado en Negreira o 20 de xaneiro de 1879 e finado en Ferrol o 16 de febreiro de 1942,[1] foi un farmacéutico, xornalista e escritor galego.
Traxectoria[editar | editar a fonte]
Fillo de Feliciano Castro e Daría Rodríguez Abente, que era curmá de Eduardo Pondal. Fixo a carreira de Farmacia, que rematou en 1903, establecendo unha farmacia en Santa Comba. Publicou os seus primeiros poemas na Revista Gallega, utilizando en ocasións o pseudónimo Vícaro. Foi redactor de El Eco de Santiago, colaborou en El Eco de Mugía, Almanaque Gallego e dirixiu a revista Santiago nos seus últimos números. En 1906 emigrou a México, onde permaneceu até 1928. Ao seu regreso estableceu unha farmacia en Ferrol. Na Segunda República foi elixido presidente da xunta directiva de Renovación Española de Ferrol en novembro de 1935.[2]
Vida persoal[editar | editar a fonte]
Casou en Muxía con Faustina Lastres Lastres en 1905,[3] e foi pai de María del Carmen, Víctor e María Victoria Castro Lastres.
Notas[editar | editar a fonte]
- ↑ Necrolóxica en El Correo Gallego, 17-2-1942, p. 3.
- ↑ El Correo Gallego, 17-11-1935, p. 1.
- ↑ El Eco de Santiago, 12-9-1905, p. 2.