Vía Aurelia

Vía Aurelia
	(2014)
Tipo	Vía romana; estrutura romana
Localización
División administrativa	Lazio, Italia, Toscana, Italia, Liguria, Italia e Provenza-Alpes-Costa Azul, Francia
Características
Monumento histórico clasificado
Data	15 de marzo de 1909
Identificador	PA00081398

A Vía Aurelia, é unha vía romana en Italia construída aproximadamente no 241 a.C. O proxecto foi asumido por Gaius Aurelius Cotta, que naquel momento era censor.^[1] Cotta tiña unha historia na construción de estradas para Roma, xa que supervisara a construción dunha estrada militar en Sicilia (como cónsul no 252 a. C., durante a Primeira Guerra Púnica) que conectaba Agrigentum (moderno Agrigento) e Panormus (moderno Palermo).^[2]

Antecedentes

Na República media, construíronse unha serie de estradas por toda Italia para atender as necesidades da expansión romana, incluíndo rápidos movementos do exército e unha comunicación razoablemente rápida coas colonias romanas espalladas por toda Italia. Tamén houbo a consecuencia non desexada (pero beneficiosa) dun aumento do comercio entre as cidades italianas e Roma. As estradas estandarizáronse a 4´6 metros de largo permitindo o paso de dous carros, e a distancia marcouse con miliarios.^[3]

A Vía Aurelia construíuse como parte desta campaña de construción de estradas, que comezou no 312 a. C. coa construción da Vía Appia. Outras vías incluídas neste período de construción foron a Via Amerina (c. 231 a.C.), Flaminina, Clodia, Aemilia, Cassia, Valeria (c.) e Cassia (c.) e Cacilia (Ccilia) 283 a.C.).^[4]

Trazado

A Vía Aurelia atravesaba o Tíber pola ponte "Pons Aemilius", e saía de Roma polo seu lado occidental. Despois de que o emperador Aureliano construíse unha muralla arredor de Roma (c. 270–273 d.C.), a Vía Aurelia saía pola Porta Aurelia. A estrada discorría despois uns 40 km. ata Alsium na costa do Tirreno, e cara o norte pola costa ata Vada Volaterrana, Cosa e Pisae (actual Pisa). Alí remataba a lonxitude orixinal da Vía Aurelia.^[5]

Esta foi unha ruta especialmente importante durante a República temperá e media porque unía Roma, Cosa e Pisae. Cosa era unha importante colonia e posto militar en Etruria, e Pisae era o único porto entre Xénova e Roma. En consecuencia, foi unha importante base naval para os romanos nas súas guerras contra os Ligures, Galos e Cartaxineses.^[6]

A Vía Aurelia prolongouse máis tarde en 320 km. no 109 a. C. pola Vía Aemilia Scauri, construída por M. Aemilius Scaurus. Esta estrada levaba a Dertona (actual Tortona), Placentia, Cremona, Aquilea e Genua, desde onde os viaxeiros podían continuar a Gallia Narbonensis (sur de Francia) a través da Vía Postumia].

Isto sucedeu trala reconstrución parcial da estrada pola mesma persoa durante o seu consulado no 119 a. C..^[7]

Na época do alto Imperio, os viaxeiros podían ir desde Roma pola Vía Aurelia a través dos Alpes pola Via Iulia Augusta ata o norte de Francia ou a Gades (actual Cádiz, España).^[8]

A moderna Strada Statale 1 Aurelia ocupa a mesma ruta, e coloquialmente aínda coñécese como La Via Aurelia.

Pontes romanas

Hai restos de varias ponte romana ao longo da estrada, incluíndo a Cloaca di Porta San Clementino, a Ponte do Diavolo, a Primo Ponte e a Secondo Ponte (as tres últimas en Santa Marinella).^{[Cómpre referencia]}

Notas

↑ Hornblower, Simon, & Antony Spawforth. The Oxford Classical Dictionary. 3rd ed. Oxford: Oxford University Press, 1996.
↑ The Cambridge Ancient History. [New] ed. London: Cambridge University Press, 1970. Volume 7, p. 548 & 643
↑ Via Aurelia: The Roman Empire's Lost Highway Arquivado 2009-06-05 en Wayback Machine. Smithsonian Magazine, xuño 2009
↑ The Cambridge Ancient History. [Novo] ed. París: Cambridge University Press, 1950. Volume 8, páx. 484.
↑ Platner, Samuel Ball. A Topographical Dictionary of Ancient Rome. London, Oxford University Press, H. Milford, 1929. pg. 561.
↑ Boatwright, Mary T., Daniel J. Gargola & Richard J.A. Talbert. A Brief History of the Romans. Oxford University Press, New York, US, 2006. pp. 48-49.
↑ Fentress, E., 'Via Aurelia, Via Aemilia', Papers of the British School at Rome LII, 1984, pp. 72-76
↑ Boumphrey, Geoffrey Maxwell. Along the Roman Roads. London: Allen & Unwin, 1935.

Véxase tamén

Outros artigos

Lista de vías romanas

Ligazóns externas

Samuel Ball Platner, Via Aurelia, from A Topographical Dictionary of Ancient Rome (London: Oxford University Press, 1929).
Joshua Hammer, Via Aurelia: The Roman Empire's Lost Highway, Smithsonian magazine, June 2009.
Omnes Viae: Via Aurelia on the Tabula Peutingeriana

[autogenerated1-1] Hornblower, Simon, & Antony Spawforth. The Oxford Classical Dictionary. 3rd ed. Oxford: Oxford University Press, 1996.

[2] The Cambridge Ancient History. [New] ed. London: Cambridge University Press, 1970. Volume 7, p. 548 & 643

[3] Via Aurelia: The Roman Empire's Lost Highway Arquivado 2009-06-05 en Wayback Machine. Smithsonian Magazine, xuño 2009

[4] The Cambridge Ancient History. [Novo] ed. París: Cambridge University Press, 1950. Volume 8, páx. 484.

[5] Platner, Samuel Ball. A Topographical Dictionary of Ancient Rome. London, Oxford University Press, H. Milford, 1929. pg. 561.

[6] Boatwright, Mary T., Daniel J. Gargola & Richard J.A. Talbert. A Brief History of the Romans. Oxford University Press, New York, US, 2006. pp. 48-49.

[7] Fentress, E., 'Via Aurelia, Via Aemilia', Papers of the British School at Rome LII, 1984, pp. 72-76

[8] Boumphrey, Geoffrey Maxwell. Along the Roman Roads. London: Allen & Unwin, 1935.

[1]

[2]

[3]

[4]

[5]

[6]

[7]

[8]