Vágar é un concello das Illas Feroe que comprende a metade oriental da Illa de Vágar. En 2011 tiña unha poboación de 1.940 habitantes e a súa capital é a vila de Miðvágur.
O primeiro concello de Vágar fundouse no 1911 e incluía toda a illa homónima. Foi de curta duración, pois en 1914 dividiuse en catro concellos diferentes: Miðvágur, Sandavágur, Sørvágur e Bøur. O concello de Vágar formouse o 1 de xaneiro de 2009 coa fusión dos concellos de Miðvágur e Sandavágur e, a diferenza do primeiro, tan só a parte oriental da illa forma parte do concello, xa que a porción occidental da illa pertence ao concello de Sørvágur.
O concello de Vágar tiña en 2011 unha poboación estimada de 1.940 persoas. Dentro dos seus límites atópanse 3 localidades: Miðvágur, Sandavágur e Vatnsoyrar. A maior localidade é Miðvágur, que ademais é a sede administrativa do concello.[1]
En 2008 realizáronse as primeiras eleccións para o novo concello de Vágar, que fundouse oficialmente o 1 de xaneiro de 2009. Postuláronse catro listas independentes, das cales tres repartíronse os 12 postos do concello. Albert Ellefsen, do Fólkaflokkurin, ocupa o cargo de alcalde, aínda que a súa lista non tivo a maioría dos votos nas eleccións.
