Usuario, usuaria (informática)
| Usuario, usuaria | |||||||||
|---|---|---|---|---|---|---|---|---|---|
| |||||||||
| |||||||||
| Wikidata C:Commons | |||||||||
Un usuario é unha persoa que emprega un ordenador ou un servizo de rede.[1] Un usuario normalmente ten unha conta de usuario e o sistema recoñéceo a través dun nome de usuario. Algúns produtos de software prestan servizos a outros sistemas e non teñen usuarios finais directos.
Usuario final
[editar | editar a fonte]Os usuarios finais son os usuarios humanos definitivos (tamén coñecidos como operadores) dun produto de software. O usuario final contrasta cos usuarios que dan soporte ou manteñen o produto, como os administradores de sistemas, os administradores de bases de datos e os técnicos informáticos. O termo úsase para abstraer e distinguir a aqueles que só usan o software dos desenvolvedores do sistema, que melloran o software para os usuarios finais.[2] No deseño centrado no usuario, tamén se distingue o operador do software do cliente, que paga polo seu desenvolvemento, e doutras partes interesadas que poden non usar o software directamente, pero que axudan a establecer os seus requisitos.[3][4] Esta abstracción é útil principalmente para deseñar a interface de usuario e refírese a un subconxunto relevante de características que a maioría dos usuarios terían en común.
Conta de usuario
[editar | editar a fonte]A conta dun usuario permítelle autenticarse nun sistema e, potencialmente, recibir autorización para acceder a recursos proporcionados por ese sistema ou conectados a el; non obstante, a autenticación non implica autorización. Para iniciar sesión nunha conta, o usuario normalmente debe autenticarse cun contrasinal ou outras credenciais para fins de contabilidade, seguridade, rexistro e xestión de recursos.[1]
Terminoloxía
[editar | editar a fonte]Algúns profesionais da usabilidade expresaron a súa desaprobación polo termo «usuario» e propuxeron cambialo.[5] Don Norman afirmou que «unha das palabras horribles que usamos é 'usuarios'. Estou nunha cruzada para desfacerme da palabra 'usuarios'. Preferiría chamalos 'xente'».[6]
O termo «usuario» pode implicar a falta dos coñecementos técnicos necesarios para comprender plenamente o funcionamento dos sistemas informáticos e produtos de software.[7] Os usuarios avanzados (power users) empregan funcións avanzadas dos programas, aínda que non son necesariamente capaces de programar nin de administrar sistemas.[8][9]
Notas
[editar | editar a fonte]- 1 2 "Conceito de Usuário". Conceitos (en portugués). maio de 2014. Consultado o 2026-03-15.
- ↑ Ko, Andrew J.; Abraham, Robin; Beckwith, Laura; Blackwell, Alan; Burnett, Margaret; Erwig, Martin; Scaffidi, Chris; Lawrance, Joseph; Lieberman, Henry; Myers, Brad; Rosson, Mary Beth; Rothermel, Gregg; Shaw, Mary; Wiedenbeck, Susan (Abril de 2011). "The State of the Art in End-User Software Engineering" (PDF). ACM Computing Surveys (en inglés) 43 (3): 1–44. doi:10.1145/1922649.1922658. Arquivado dende o orixinal (PDF) o 1 de abril de 2011.
- ↑ "Understanding Organizational Stakeholders for Design Success" (en inglés). 2004-05-06. Consultado o 2016-08-31.
- ↑ Rigsbee, Sarah, e William B. Fitzpatrick. "User-Centered Design: A Case Study on Its Application to the Tactical Tomahawk Weapons Control System. Arquivado 2017-10-14 en Wayback Machine."Johns Hopkins APL Technical Digest 31.1 (2012): 76–82.
- ↑ Don Norman (2008-11-17). "Words Matter. Talk About People: Not Customers, Not Consumers, Not Users" (en inglés). Arquivado dende o orixinal o 2019-08-25. Consultado o 2019-12-02.
- ↑ "Don Norman at UX Week 2008 © Adaptive Path" (en inglés). febreiro de 2010. Archived from the original on 04 de xaneiro de 2026. Consultado o 2010-11-08 – vía YouTube.
- ↑ "User" (en inglés). Consultado o 2010-11-07.
- ↑ "Power Users' Guide". SAP Help Portal (en inglés). Arquivado dende o orixinal o 2015-06-27. Consultado o 2015-01-14.
- ↑ Chen, Raymond (febreiro de 2012). "Windows Confidential: Power to the Power User". Microsoft (en inglés). Arquivado dende o orixinal o Apr 4, 2015. Consultado o 2015-01-14.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- "Habilitar usuários e computadores do Active Directory no Windows 11 + Vídeo". Windows Report (en portugués).
