Universidade dos Andes (Colombia)
| Universidade dos Andes | |
|---|---|
 Universidade dos Andes | |
| Datos xerais | |
| Localización | Bogotá,  Colombia |
| Datos actuais | |
| Reitor | Pablo Navas Sanz de Santamaría[1][2] |
| Alumnos | 16 665 |
| Datos de contacto | |
| Enderezo | Centro: Carrera 1 # 18A-12 Bloque Cp: Carera 7 # 116-05 |
| Páxina web | uniandes.edu.co |
   | |
 | |
| [ editar datos en Wikidata ] | |
A Universidade dos Andes é unha universidade privada colombiana, suxeita a inspección e vixilancia por medio da Lei 1740 de 2014 e a lei 30 de 1992 do Ministerio de Educación de Colombia, con sedes en Bogotá e Cartaxena. Foi fundada en 1948 por un grupo de intelectuais destacados, entre eles Mario Laserna Pinzón, Francisco Pizano de Brigard, Alberto Lleras Camargo e Nicolás Gómez Dávila, co obxectivo de crear unha institución de educación superior laica e independente ás correntes políticas do país. Dende os seus inicios albergou parte da elite económica e académica do país e América Latina. Tamén recibiu o apoio de académicos como Albert Einstein, quen participou na xunta consultiva da universidade durante os seus inicios.[3]
A súa poboación estudantil ascende a 19.601, dos cales 14.668 son estudantes de pregrao e 4.933 de posgrao. Conta cunha planta profesoral de 731 profesores, dos cales o 73% conta con doutoramento. Está composta por 12 unidades académicas divididas en 10 facultades, a Escola de Goberno Alberto Lleras Camargo e o Centro Interdisciplinario de Estudos sobre Desenvolvemento. Ofrece 39 programas de pregrao, 25 especializacións, 61 mestrías e 15 doutoramentos. Conta con máis de 143 grupos de investigación e posúe un sistema de bibliotecas, o cal alberga unha colección de 428.490 volumes de libros que datan dende a Idade Media até o presente.
O 26 de xaneiro de 2015, o Ministerio de Educación Nacional, na cabeza do Consello Nacional de Acreditación, outorgoulle a Acreditación Institucional de Alta Calidade por 10 anos, o máximo tempo que contempla a lexislación colombiana, converténdose a primeira universidade privada do país en conseguilo. Foi igualmente incluída en numerosas clasificacións (Quacquarelli Symonds e Times Higher Education) que a sitúan entre as primeiras 300 universidades do mundo, as dez primeiras de América Latina e en varias ocasións como a mellor de Colombia.[4][5][6][7]
Notas[editar | editar a fonte]
- ↑ "El Rector". Consultado o 18 de maio de 2014.
- ↑ "Directivos". Consultado o 29 de maio de 2017.
- ↑ https://uniandes.edu.co/noticias/comunidad/albert-einstein-mario-laserna-correspondencia
- ↑ Quacquarelli Symonds. "QS World University Rankings".
- ↑ Times Higher Education. "World rankings - South America".
- ↑ Quacquarelli Symonds. "QS Latin American University Rankings".
- ↑ Center for World University Rankings. "Center for World University Rankings 2015".
Véxase tamén[editar | editar a fonte]
Ligazóns externas[editar | editar a fonte]
- Páxina oficial (en castelán)
