A Universidade de Islandia (en islandés:Háskóli Íslands) é unha universidade pública situada en Reykjavik, capital de Islandia, a máis grande e antiga institución de educación superior do país. Fundada en 1911 como unha pequena escola de funcionarios, converteuse nunha universidade moderna con investigación e docencia nos eidos das ciencias sociais, as humanidades, o dereito, a medicina, as ciencias naturais, a enxeñaría ou a pedagoxía. O seu campus está localizado no centro de Reykjavik, con outras facultades en áreas próximas e tamén en rexións rurais.
A Universidade de Islandia foi fundada polo Alþingi o 17 de xuño de 1911, unificando tres institucións previas: a Prestaskólinn, a Læknaskólinn e mais a Lagaskólinn, centradas nos campos da teoloxía, a medicina e o dereito, respectivamente. Xa que logo, nas súas orixes a universidade só posuía facultades para estas tres disciplinas, xunto con outra de humanidades. Durante o seu primeiro ano de existencia, só contaba con 45 estudantes. O primeiro reitor foi Björn M. Ólsen, catedrático da facultade de humanidades.[1]
.jpg?lang=gl)
.jpg?lang=gl)
