Universidade de Gotemburgo

Na Galipedia, a Wikipedia en galego.
Saltar ata a navegación Saltar á procura

Coordenadas: 57°41′54″N 11°58′18″L / 57.69833, -11.97167

Universidade de Gotemburgo
Göteborgs universitet
Universitas Gothoburgensis
Göteborgs universitet - huvudbyggnaden.jpg
Universidade de Gotemburgo. Porta principal
Datos xerais
LocalizaciónGotemburgo, Suecia Suecia
Fundación1954
Datos actuais
ReitorEva Wiberg
Profesores3 445 (2020)
Alumnos24 900 (2020)
Datos de contacto
Páxina webwww.gu.se
Facebook: goteborgsuniversitet Twitter: goteborgsuni Instagram: universityofgothenburg Editar o valor em Wikidata
editar datos en Wikidata ]

A Universidade de Gotemburgo é unha universidade estatal sueca, situada en Gotemburgo, fundada en 1954. Ten oito facultades e, no ano 2020, 53 500 estudantes, dos cales algo máis de 29 000 son estudantes a tempo completo, e 6 500 empregados, entre profesors e empragados da administración.[1]

Na Universidade impártense clases de música, arte, ciencias sociais e naturais, humanidades, ciencias da educación, formación do profesorado, informática, adninistración de empresas e, na Academia Sahlgrenska, medicina, ciencias do coidado e odontoloxía. Os estudantes teñen, con frecuencia, investigadores recoñecidos internacionalmente. No ano 2000, o profesor da Universidade Arvid Carlsson recibiu o Premio Nobel de Medicina.

A Universidade é unha das máis importantes de Suecia, e ocupa lugar 198 do mundo, dun total de preto de 20 000 institucións de educación superior, na clasificación de Times Higher Education das mellores universidades do mundo en 2018.[2]

A Universidade de Gotemburgo está rexistrada ambientalmente segundo o Eco Management and Audit Scheme (EMAS), e certificada ambientalmente segundo o ISO 14001.

Foi fundada como Högskola Göteborgs (Escola Superior de Gotemburgo) en 1891. En 1907 o goberno suaco concedeulle o mesmo status que á Universidade de Uppsala e á Universidade de Lund.

O edificio principal da Universidade de Gotemburgo foi construído en Vasaparken desde 1904 a 1907, segundo planos dos arquitectos Ernst Torulf e Erik Hahr. Os edificios substituíron ás antigas dependencias docentes que estaban aloxadas nun antigo edificio universitario de 1851.

O edificio principal é monumento estatal desde o 18 de marzo de 1993.[3]

Notas[editar | editar a fonte]