Universidade de Roma La Sapienza

Universidade de Roma - La Sapienza; Sapienza – Università di Roma
Datos xerais
Localización	Roma, Italia
Fundación	1303
Datos actuais
Alumnos	112 564
Datos de contacto
Páxina web	https://www.uniroma1.it/en/
	[ editar datos en Wikidata ]

A Universidade de Roma La Sapienza (en italiano: Università degli Studi di Roma La Sapienza) é unha institución de ensino superior localizada en Roma. É unha das máis antigas e maiores universidades do mundo en número de estudantes, tendo máis de 110 000.^[2] Tamén é coñecida como Universidade de Roma I.

Coñecida antigamente como Università degli Studi di Roma "La Sapienza", é unha das maiores universidades europeas^[3] e unha das máis antigas do mundo, fundada en 1303. La Sapienza é unha das universidades máis prestixiosas de Italia e do mundo, e adoita aparecer no primeiro posto da clasificación nacional e do sur de Europa.^[4] En 2018 foi considerada a primeira do mundo en estudos clásicos e de historia antiga.^[5]

Historia[editar | editar a fonte]

Novo campus da universidade, construído en 1935 por Marcello Piacentini, nunha imaxe de 1938

O século XIV había en Roma diversas institucións escolásticas, sen que calquera delas fose recoñecida oficialmente pola Igrexa e, ao mesmo tempo, fose externa á Igrexa. Por medio da bula In Supraemae Praeminentia Dignitatis do papa Bonifacio VIII, o 20 de abril de 1303 naceu a primeira universidade romana, a Studium Urbis. O financiamento chegou por unha nova taxa sobre o viño estranxeiro e por contribucións de nobres romanos. O diñeiro empregouse para comprar o palacio onde hoxe se atopa a igrexa de Santo Ivo, dentro do campus da universidade. Aínda que permanecese pechada durante o pontificado de Clemente VII, os papas seguintes fixeron retomar a actividade de ensino e investigación, promovendo o xurdimento de novas cátedras. No século XVII construíuse a nova sede, ordenada por Alexandre VII.

Tras sucesivas reformas, durante o período de transición dos Estados Pontificios ao reino de Italia puídose verificar unha progresiva laicización da universidade. En 1870, deixou finalmente de ser unha universidade pontificia e converteuse na universidade da capital de Italia. A Xunta Provisional do primeiro goberno (1870) enmarcou a universidade na nova lexislación nacional.

La Sapienza experimentou diversas crises, en especial coa primeira guerra mundial e co inicio do fascismo. Os docentes debían xurar lealdade ao Duce e os que o rexeitaron perderon a cátedra. A pesar de todas as crises, en 1935 inaugurouse a nova cidade universitaria, obra do arquitecto Marcello Piacentini.

Dende entón a Universidade de Roma La Sapienza foise reafirmando continuamente como de máis importante institución do sistema universitario italiano.