Universidade Internacional Menéndez Pelayo
| Universidade Internacional Menéndez Pelayo | ||||
|---|---|---|---|---|
 | ||||
| Tipo | universidade pública  | |||
| Epónimo | Marcelino Menéndez Pelayo | |||
| Persoas e organizacións | ||||
| Data | ||||
| Fundación | 1932 | |||
| Localización | ||||
| ||||
| Estado | España | |||
| Comunidade autónoma | Cantabria | |||
| Concello | Santander | |||
| País | España | |||
| Contacto | ||||
| Páxina WEB | uimp.es | |||
| Redes |     | |||
| [ Wikidata ] | ||||
A Universidade Internacional Menéndez Pelayo (UIMP) é unha universidade pública española con domicilio social en Madrid e sedes en Santander, Valencia, Barcelona, Cuenca, A Coruña, Granada, Huesca, Sevilla, Tenerife e La Línea de la Concepción (Cádiz).
Trátase dun Organismo Autónomo do Ministerio de Educación e Ciencia que, segundo os seus estatutos, defínese como un «centro universitario de alta cultura». O seu nome rende homenaxe a Marcelino Menéndez Pelayo. É a institución pioneira e decana en España en cursos de verán e cursos de lingua e cultura española para estranxeiros.
Na actualidade, ás súas actividades académicas tradicionais que teñen lugar en Santander, a UIMP incorpora á súa oferta académica a organización e desenvolvemento de ensino oficial de posgraduado, homologada dentro do Espazo Europeo de Educación Superior. A UIMP imparte mestrados en diversas áreas de coñecemento, estando dirixidos a universitarios que xa están en posesión do título de grao ou outro declarado expresamente equivalente.
A súa actividade máis emblemática e tradicional é a que teñen lugar durante o verán no Palacio da Magdalena de Santander, ademais dos cursos de castelán para estranxeiros que se desenvolven durante todo o curso académico no Campus de Las Llamas, na mesma cidade.
