Universidade Internacional da Rioxa

Na Galipedia, a Wikipedia en galego.
(Redirección desde «Universidad Internacional de La Rioja»)
Universidade Internacional
da Rioxa
Sede da UNIR en Logroño
Datos xerais
Fundaciónoutubro de 2008
Datos actuais
ReitorJosé M.ª Vázquez García-Peñuela
Alumnos55.000 (en 2021)
Datos de contacto
EnderezoAvenida de la Paz, 137; 26006 Logroño (Reitorado)
Páxina webwww.unir.net
Facebook: UNIRUniversidad Twitter: UNIRUniversidad Instagram: uniruniversidad Dialnet: 2460950 Editar o valor em Wikidata
[ editar datos en Wikidata ]

A Universidade Internacional da Rioxa (UNIR), é unha universidade privada de educación en liña, con sede en Logroño e presenza en América Latina. En 2020 contaba con máis de 48.000 alumnos, e en 2022 con 55.000 alumnos.[1] Ten 108 titulacións oficiais avaladas pola ANECA, 84 títulos propios e 3 programas de doutoramento.[2]

Historia[editar | editar a fonte]

Foi recoñecida en 2008 polo Parlamento da Rioxa[3] e após autorización por Decreto 69/2009, comeza a actividade académica[4] Réxese pola Lei de Ordenación Universitaria española, polas directrices da Unión Europea e polas normas do Estado español e a Comunidade da Rioxa. A súa estrutura, organización e funcionamento foron deseñados segundo parámetros e requisitos do Espazo Europeo de Educación Superior (EEES).

O 8 de marzo de 2019 a UNIR, integrada no grupo rioxano Proeduca Altus, realizou a súa entrada no Mercado Alternativo Bursátil (MAB).[5]

A Facultade de Empresa e Comunicación en outubro de 2019 e a de Educación en xullo de 2020 recibiron a Acreditación Institucional da ANECA.[6][7] Outras 16 universidades españolas recibiron este recoñecemento ás súas respectivas facultades.

En marzo de 2021 o Grupo Proeduca adquiriu a escola de mercadotecnia dixital KSchool.[8]

Método pedagóxico[editar | editar a fonte]

Susténtase nos seguintes alicerces:

  • Clases online en directo. En horario de tarde e mañá, as clases quedan gravadas e o alumno pode velas con posterioridade.
  • Titor persoal. Ten contacto periódico con cada estudante para apoialo durante o estudo, procurando un modelo adaptado a circunstancias persoais.
  • Avaliación continua: O claustro de profesores valora a evolución do alumno tendo en conta traballos, asistencia, participación e actividades.[9]

Premios[editar | editar a fonte]

Primeira gradación de UNIR
  • Entre outros galardóns UNIR recibiu a máxima condecoración que concede o Goberno autonómico da Rioxa [10] ademais de distincións de organismos privados.

Polémica[editar | editar a fonte]

No curso 2020-21 os sistemas de identificación facial e tratamento de datos utilizados pola UNIR foron rexeitados por varios centos de estudantes. Agrupáronse na plataforma HUxIR contra o que consideraban unha vulneración de dereitos polo uso de Proctoring con control biométrico nos exames online. Cursaron unha denuncia á Agencia Española de Protección de Datos, que emitiu unha Resolución de Advertencia.[11][12] A Universidade de León e a Universidade de Burgos que tamén usaban ese método de identificación abandonárono en 2022, a UNIR prescindiu da biometría, substituíndoa polo acceso a dúas cámaras como método de identificación, alén de ofertar os exames presenciais nun hotel habilitado.[13]

Notas[editar | editar a fonte]

  1. ↑ "La UNIR comienza el curso con 45.000 estudiantes de 90 países" (en castelán). 18 de novembro de 2019. 
  2. ↑ "Facultades y Escuelas Universitarias | UNIR" (en castelán). Consultado o 28 de xullo de 2020. 
  3. ↑ "Ley 3/2008, de 13 de outubro, de reconocimiento de la Universidad Internacional de La Rioja.
  4. ↑ "Decreto 69/2009", de 31 de julio, por el que se autoriza el comienzo de actividades de la Universidad Internacional de La Rioja, la implantación de enseñanzas conducentes a la obtención de determinados títulos de carácter oficial y se aprueban las normas de funcionamiento
  5. ↑ "La Universidad Internacional de La Rioja ya tiene fecha para su debut: 8 de marzo". lainformacion.com. p. lainformacion.com. Consultado o Mércores, 6 de marzo 2019. 
  6. ↑ "La Facultad de Empresa y Comunicación de UNIR consigue la Acreditación Institucional de la ANECA". Europa Press. 29 de outubro de 2019. Consultado o 30 de outubro de 2019. 
  7. ↑ elEconomista.es. "ANECA emite su informe favorable a la acreditación institucional de la Facultad de Educación de UNIR - elEconomista.es" (en castelán). Consultado o 28 de xullo de 2020. 
  8. ↑ lainformacion.com (2021-03-11). "Proeduca continúa su expansión con la compra de KSchool por cuatro millones" (en castelán). Consultado o 2021-03-12. 
  9. ↑ "Cómo Estudiar Online | UNIR" (en castelán). Consultado o 11 de setembro de 2020. 
  10. ↑ "El rector de la UNIR dedica la Medalla de La Rioja al alumnado (en castelán)". 
  11. ↑ "El ojo que vigila los exámenes online". La Vanguardia (en castelán). 2021-05-23. Consultado o 2022-02-13. 
  12. ↑ "Home". huxir.org. Consultado o 2022-02-13. 
  13. ↑ "Exámenes a distancia: cómo controlar las chuletas sin violar el derecho a la intimidad". Nius Diario (en castelán). 2022-01-21. Consultado o 2022-02-13. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Universidade_Internacional_da_Rioxa&oldid=6524322»