Subtitulada Órgano oficial de las Sociedades Agrarias de Teo y Vedra, estaba editada pola Federación de Residentes de Teo en Suramérica. O seu lema dicía: "Por la instrucción, protección y emancipación del pueblo gallego". De periodicidade mensual, veu continuar a revista Teo. Ofrecía información sobre o labor desenvolto polas institucións patrocinadoras, noticias de actualidade política e social da comarca (denunciando as manipulacións caciquís e clericais) e colaboracións literarias de Xan Baña, José Pereiro e Eduardo Blanco Amor. Mantivo polémicas con El Agrario Barcalés.
