Unión Deportiva Atios

Na Galipedia, a Wikipedia en galego.
(Redirección desde «UD Atios»)
Atios
NomeUnión Deportiva Atios
Fundación1969
EstadioO Carballo,
Atios, O Porriño,
Galicia
Inauguración2007
LigaTercera – Grupo 1
2019–20
Na rede
Facebook: udatios Instagram: udatios_oficial Editar o valor em Wikidata
Titular
Alternativo

A Unión Deportiva Atios é un equipo de fútbol galego de Atios, no Porriño, fundado o 4 de agosto do 1969. Compite na Terceira División de España no Campo do Carballo.

Historia[editar | editar a fonte]

Na década de 1950 xogábase ao fútbol nos espazos públicos, como as vías de paso, o campo da igrexa ou o campo anexo da vella escola, que tiña un gran desnivel. Adoitaban xogar os da zona alta da parroquia contra os da zona baixa.

A finais de 1969 celebrouse un torneo cos dous equipos de Atios (o Estrella Roja e o Deportivo) cos equipos da contorna. O 29 de marzo do 1970 non chegou a disputarse un encontro entre os dous equipos de Atios, chegando a un acordo para que os puntos os sumase o Deportivo para acadar o campionato, rematando terceiro o Estrella Roja. Pasados uns días celebrouse unha cea de confraternidade entre os dous clubs, onde se propuxo a fusión e a creación dun equipo federado.

O primeiro presidente da Unión Deportiva Atios foi Manuel Casales Casales, impulsor da fusión dos equipos da parroquia e outros da contorna como Budiño ou Cans.

Na tempada 1975-76, con Serafín Oya Davila na presidencia, o equipo acadou o ascenso a Segunda Rexional. Na tempada 1993-94, pouco antes do 25º aniversario, acadouse o ascenso a Primeira Rexional, con Manuel Rodriguez (Frito) como presidente. Xa na tempada 1996-97 logrouse o ascenso a Rexional Preferente con Pablo Mouriño Lago na presidencia.

Na temporada 2001-02 o club pasou por unha mala situación, e asumiu a presidencia Ramón Porto Oya. Acadouse o segundo ascenso a Primeira Rexional, e iniciáronse as negociacións para a creación dun novo campo de fútbol no centro da parroquia. O campo do Carballo inaugurouse durante a tempada 2007-08, en substitución do antigo campo de Cataboi. Isto serviu para crear novos equipos en categorías inferiores.

Na tempada 2009-10, a falta de seis xornadas para rematar a liga, acadouse o terceiro ascenso a Rexional Preferente. Na tempada 2011-12 chegouse á final da copa Deputación de Pontevedra, perdendo nos penaltis. Dende o ano 2016 dirixe a entidade Don Jose Cebreiro, consolidando o equipo senior na categoría preferente, quedando na campaña 2017/18, terceiros sen lograr o ascenso a Terceira División no último partido o cal resultou nun 0-0 ante a U.D. Ourense, o equipo que quedaría primeiro.

Tras unha tempada 2018/19 rematada na que volverían a quedar terceiros, pero esta vez sen posibilidades de ascender dende facía xa varias xornadas, chegaría a campaña 2019/20, na que por culpa da crise do Covid-19, o club quedaría segundo en liga no momento do parón e, xa que as categorías por debaixo de Segunda División non se continuarían, a Unión Deportiva Atios ascendería por primeira vez a Terceira División nunha tempada histórica para o club.

Tempada a tempada dende o ano 2000[editar | editar a fonte]

Tempada Categoría Posto
2000/01 Preferente 19º
2001/02 1ª Rexional 16º
2002/03 2ª Rexional
2003/04 2ª Rexional
2004/05 2ª Rexional
2005/06 1ª Rexional
2006/07 1ª Rexional
2007/08 1ª Rexional
2008/09 1ª Rexional
2009/10 1ª Rexional
Tempada Categoría Posto
2010/11 Preferente 15º
2011/12 Preferente
2012/13 Preferente
2013/14 Preferente 17º
2014/15 Preferente 11º
2015/16 Preferente
2016/17 Preferente 12º
2017/18 Preferente
2018/19 Preferente
2019/20 Preferente
2020/21 Terceira ...

Palmarés[editar | editar a fonte]

  • Segunda División Autonómica (2) 1975-76 e 2004-05.

Véxase tamén[editar | editar a fonte]