Trinity College

Na Galipedia, a Wikipedia en galego.
Vista do patio central do Trinity College
Escudo do Trinity College

O Trinity College é un dos colleges que constitúen a Universidade de Cambridge en Cambridge, Inglaterra. O Trinity College ten máis membros ca ningún outro college en Cambridge ou Oxford, con uns 660 estudantes, 430 estudantes de posgrao e máis de 160 profesores e membros do college[1]. É tamén o máis rico dos college de Oxbridge [2] con aproximadamente un orzamento de 700 millóns de libreas (en 2005[3]), ademais dos terreos do Trinity están asegurados en, aproximadamente, 266,5 millóns de libras (isto non inclúe todos os activos fixos[4]). O Trinity considérase a si mesmo como "un líder mundial como institución académica cun destacado historial en educación, aprendizaxe e investigación [5] e por estudante é unha das institucións académicas mellor dotadas do mundo - cuns orzamentos por estudante de, aproximadamente, 60.000 libras en 2005, máis de dez veces a media de 63.000 libras [6] do resto de colleges da Universidade.

Como o seu college irmán, o Christ Church, Oxford, foi tradicionalmente considerado como o máis aristocrático dos colleges de Cambridge - e xeralmente foi escollido como institución académica para a Familia real británica (O rei Eduardo VII, o rei Xurxo VI, o príncipe Henrique de Gloucester, o príncipe Guillerme de Gloucester e Edimburgo e o Príncipe Carlos, foron todos estudantes). A Push Guide to Which University (2005) denominou ó Trinity como "posiblemente o college máis importante de Cambridge" e foi denominada como "a máis fermosa institución educativa de Inglaterra".[7] Porén, a proporción de estudantes que veñen da escola pública e a privada igualouse, seguindo a liña doutros colleges de Cambridge. Aínda así, en 2005 tiña o dato máis baixo de alumnos provenientes da escola pública (42%) de entre os colleges, aínda que este dato varía de ano en ano[8]. A primeira vez que admitiu mulleres estudantes de licenciatura foi en 1978; e desde 1976 admítense mulleres estudantes de posgrao, e ademais o college contratou a súa primeira profesora en 1977.[9]

O college é un grande propietario de terreos, incluíndo propiedades no Porto de Felixstowe, e o Parque da ciencia de Cambridge. O Trinity ten unha grande tradición académica, tendo membros que gañaron 31 Premios Nobel (máis que moitos países, exceptuando ós Estados Unidos, Alemaña e Francia, e sen contar ó Reino Unido), cinco Medallas Fields (de matemáticas), un Premio Abel (matemáticas) e dous Premios Templeton (relixión). O Trinity ten moitos alumnos distinguidos - o máis importante deles Sir Isaac Newton. Tamén se educaron nel, seis Primeiros Ministros, máis que en ningún outro college de Cambridge.

O Trinity ten moitas sociedades, e o seu club de remo é o Primeiro e Terceiro Club náutico de Cambridge. O Baile de fin de curso do Trinity, chamado así polo Club náutico, é o máis grande de tradicional dos Bailes de final de curso que se celebran en Cambridge.

A primeira versión formal das regras do fútbol, coñecidas como as Regras de Cambridge, foron feitas polos estudantes de Cambridge, representantes das escolas privadas líderes, no Trinity College no ano 1848.[10]

Historia[editar | editar a fonte]

O college foi fundado por Henrique VIII en 1546, a partir da fusión de dous colleges anteriores: Michaelhouse (fundado por Hervery de Staton en 1324), e King's Hall (establecido por Eduardo II en 1317 e refundado por Eduardo III en 1337).

Naquel momento, Enrique estaba erradicando igrexas e apoderándose das terras dos mosteiros e abadías. As universidades de Oxford e Cambridge, sendo ambas relixiosas e bastante ricas, esperaban ser as próximas en ser disoltas. O rei deliberadamente aprobou unha Lei no Parlamento que lle permitía confiscar os bens de calquera college que quixera.

As universidades usaron todos os seus contactos para convencer á sexta muller do rei, Catalina Parr. A raíña convenceu o seu marido para que non cerrase as universidades, senón que crease un novo college. O rei non quería usar os fondos reais, e insistiu en combinar dous colleges (King's Hall e Michaelhouse) e sete hostais (Physwick (que formaba parte do Gonville e Caius College, Cambridge), Gregory's, Ovyng's, Catherine's, Garratt, Margaret's, e Tyler's) para formar o Trinity College. Isto, combinado coas terras confiscadas á Igrexa, converteu ó Trinity no college máis rico e grande.

A maioría dos máis grandes edificios datan dos séculos XVI e SVII. Thomas Nevile, que se convertey no director do Trinity en 1593, reconstruíu e redeseñou a maior parte do college. Estas obras incluían a ampliación e terminación do Great Court (o Gran Patio) e a construción do Nevile's Court (Patio de Nevile) entre o Great e o río Cam. O Nevile's Court completouse a finais do século XVII cando a Biblioteca Wren, deseñada por Christopher Wren, se construíu.

No século XX, o Trinity College e o King's College foron durante décadas os principais terreos de recrutamento para os Apóstolos de Cambridge, unha sociedade segreda, intelectual e de elite.

O nome completo do college é The College of the Holy and Undivided Trinity in the Town and University of Cambridge.

Os edificios e terreos[editar | editar a fonte]

O Hostal do Rei (1377-1416, varios arquitectos)[editar | editar a fonte]

Encontrase no norte do Great Court, detrás da Torre do Reloxo, é (xunto coa Porta do Rei) os únicos restos do desaparecido King's Hall.

A Grande Porta[editar | editar a fonte]

É a entrada principal ó college, conduce ata o Great Court. Unha estatúa do fundador do college, Henrique VIII encóntrase nun nicho sobre a porta. Na súa man sostén a pata dunha cadeira no lugar da espada tradicional, hai varios mitos sobre quen e como se levaron a espada. En 1704, o primeiro observatorio astronómico da Universidade construíuse no tellado da porta. Debaixo da estatua do fundador está o escudo de armas de Eduardo III, o fundador do King's Hall, e cinco dos seus fillos que chegaron á madurez, así como William de Hatfield, cuxo escudo está baleiro a consecuencia de que morreu sendo moi xove e non selle concedeu un.[11]

O Great Court (principalmente construído entre 1599 e 1608, varios arquitectos)[editar | editar a fonte]

Foi a idea mestra de Thomas Nevile, que derrubou moitos dos edificios existentes neste lugar, incluíndo case por completo os edificios do antigo college de Michaelhouse. O único edificio que quedaba foi substituído polas actuais cociñas (deseñadas por James Essex) entre 1770 e 1775. Véxase o panorama en 360º do Great Court feito pola BBC.

Neviles's Court (1614, arquitecto descoñecido)[editar | editar a fonte]

Encóntrase entreo Great Court e o río, este patio foi creado a partir dun legado do director do college, Thomas Nevile, orixinalmente a súa lonxitude era dous terzos da actual e sen contar a Biblioteca Wren. A aparencia das plantas superiores foi remodelada lixeiramente dos séculos despois.

O Hostal do Bispo (1671, Robert Minchim)[editar | editar a fonte]

É un edificio illado ó suroeste do Great Court, e chamalo así na honra de John Hacket, Bispo de Lichfield e Coventry. Construíronse varios edificios adicionais en 1878 deseñados por Arthur Blomfield.

Biblioteca Wren (1676-1695, Christopher Wren)[editar | editar a fonte]

Encóntrase na parte oeste do Nevile's Court, a biblioteca é unha das máis famosas e mellor dotadas de Cambridge. Entre as súas posesións máis notables hai dous dos primeiros manuscritos de William Shakespeare, un manuscrito do século XIV das Visións de Pedro o labrador, e cartas escritas por Sir Isaac Newton. Debaixo do edificio están os tranquilos claustros da Biblioteca Wren, onde os estudantes poden gozar dunha preciosa vista do Gran Salón diante deles, e do río xusto detrás deles.

O New Court (o King's Court; 1825, William Wilkins)[editar | editar a fonte]

Encóntrase ó sur do Nevile's Court, e foi construído en estilo gótico-tudor, este patio é famoso pola súa grande árbore central. Algunhas veces circula o mito de que, foi desta árbore de onde caeu a maza que golpeou a Newton na cabeza e descubriu a teoría da gravidade, porén Newton encontrábase en Grantchester cando a descubriu. Naquela época construíronse moitos outros New Courts para poder acoller ós novos estudantes.

Whewell's Courts (1860 e 1868, Anthony Salvin)[editar | editar a fonte]

Encontrase cruzando a rúa desde o Great Court, estes dous patios foron pagados completamente por William Whewell, para entón director do College. O lado norte foi posteriormente derrubado por W.D. Caroe.

Angel Court (1957-1959, H. C. Husband)[editar | editar a fonte]

Encóntrase entre o Great Court e Trinity Street.

Edificio Wolfson (1968-1972, Asociación de arquitectos)[editar | editar a fonte]

Encóntrase ó sur do Whewell's Court, no alto dun podio por enriba das tendas, este edificio aseméllase a un cigurat revestido con ladrillos, e se usa exclusivamente para o aloxamento de estudantes de primeiro ano. Remodelouse durante o ano académico 2005-2006.

Alumnos famosos[editar | editar a fonte]

Nome Nacemento Defunción Profesión
Francis Bacon 1561 1626 Filósofo
John Dryden 1631 1700 Poeta, crítico literario e dramaturgo
Sir Isaac Newton 1643 1727 Físico, filósofo, inventor, alquimista e matemático
Lord Byron 1788 1824 Poeta
Charles Babbage 1791 1871 Matemático
William Fox Talbot 1800 1877 Inventor, fotógrafo, arqueólogo, botánico, filósofo, filólogo, matemático e político
Lord Tennyson 1809 1892 Poeta
Sir Francis Galton 1822 1911 Polímata, antropólogo, xeógrafo, explorador, inventor, meteorólogo, estadístico e psicólogo
James Clerk Maxwell 1831 1879 Físico
Lord Nathan Mayer Rothschild 1840 1915 Banqueiro, político,
Lord Rayleigh 1842 1919 Físico e profesor universitario
Arthur Balfour 1848 1930 Político e estatista
Ernest Rutherford 1871 1937 Físico e químico
Bertrand Russell 1872 1970 Filósofo, matemático e escritor
Niels Bohr 1885 1962 Físico
Srinivasa Ramanujan 1887 1920 Matemático
Jawaharlal Nehru 1889 1964 Primeiro Primeiro Ministro de India
Ludwig Wittgenstein 1889 1951 Filósofo austríaco
Amartya Sen 1933 Economista
Jorge Reynolds Pombo 1937 Enxeñeiro, Inventor
Charles, Príncipe de Gales 1948 Príncipe
Justin Welby 1956 Actual Arcebispo de Canterbury

Premios Nobel[editar | editar a fonte]

Nome Campo Ano
Lord Rayleigh Física 1904
Sir Joseph John (J. J.) Thomson Física 1906
Lord Rutherford Química 1908
Sir William Bragg Física 1915
Sir Lawrence Bragg Física 1915
Charles Glover Barkla Física 1917
Niels Bohr Física 1922
Francis Aston Química 1922
Archibald V. Hill Medicina 1922
Sir Austen Chamberlain Paz 1925
Owen Willans Richardson Física 1928
Frederick Gowland Hopkins Medicina 1929
Edgar Douglas Adrian Medicina 1932
Sir Henry Dale Medicina 1936
George Paget Thomson Física 1937
Bertrand Russell Literatura 1950
Ernest Walton Física 1951
Richard Synge Química 1952
Sir John Kendrew Química 1962
Sir Alan Hodgkin Medicina 1963
Sir Andrew Huxley Medicina 1963
Brian David Josephson Física 1973
Sir Martin Ryle Física 1974
James Meade Economía 1977
Pyotr Kapitsa Física 1978
Walter Gilbert Química 1980
Sir Aaron Klug Química 1982
Subrahmanyan Chandrasekhar Física 1983
James Mirrlees Economía 1996
John Pople Química 1998
Amartya Sen Economía 1998
Venkatraman Ramakrishnan Química 2009

Primeiros ministros que estudaron no Trinity[editar | editar a fonte]

Nome Partido Ano
Spencer Perceval Tory 1809-1812
Charles Grey Whig 1830-1834
William Lamb Whig 1834-1841
Arthur Balfour Conservador 1902-1905
Henry Campbell-Bannerman Liberal 1905-1908
Stanley Baldwin Conservador 1923-1924
1924-1929
1935-1937

Notas[editar | editar a fonte]

  1. Student numbers from 2006 projections in the Trinity College Annual Record, Winter 2005. The largest college claim includes fellows as college members. Excluding fellows, Trinity would be second largest of the Cambridge colleges.
  2. Bloomberg.com (01-12-2005). "Cambridge and Oxford Adopt U.S. Methods to Win Alumni Donations". Consultado o 08-11-2014. 
  3. Odgers Ray and Berndtson (2005-11). "Job advertisement for new Trinity College Senior Bursar" (PDF). p. 4. Consultado o 06-2006. 
  4. Varsity report (2006-11). Consultado o 20-11-2006.
  5. University of Cambridge (10-05-2006). "Job advertisement for new Trinity College Junior Bursar, Cambrige University Reporter". Consultado o 08-11-2014. 
  6. In 2006, Cambridge University endowment amounted to £4.1 billion, of which £2.9 billion (70.7%) belonged to the colleges directly. Using this ratio with the comparable 2005 figure of £3.1 billion, the total endowment of all colleges was £2.2 billion in 2005. This is £1.5 billion less Trinity's endowment (which amounts to a third of the total endowment of all colleges) - divided by 24,000 students (number of non-Trinity students) gives £63,000.
  7. "Trinity College, Cambridge". Consultado o 08-11-2014. 
  8. "CAMBRIDGE UNIVERSITY REPORTER" (PDF). Consultado o 8/11/2014. 
  9. "Trinity College web site". Consultado o 08-11-2014. 
  10. Billiam Murray, William J. Murray. "The world's game: a history of soccer". Consultado o 08-11-2014. 
  11. "Trinity College Cambridge -The Great Gate". Consultado o 08-11-2014. 

Véxase tamén[editar | editar a fonte]

Outros artigos[editar | editar a fonte]