Tresgrandas[1] é unha parroquia do concello de Llanes, no Principado de Asturias. Atópase no extremo oriental do concello e ten unha extensión de 3,04 km². Linda ao norte coa parroquia de Pendueles; ao sur coa de La Borbolla e o concello de Ribadeva, co que limita tamén ao oeste; e ao leste coa de Carranzo. A súa poboación, de 62 habitantes (INE, 2020), está concentrada no lugar homónimo, o único habitado deste territorio. Pertenceu ao val de Pendueles até que se separou, como parroquia independente consagrada a San Xoán Bautista, a finais do século XVII.
