Trend TV
| Trend TV | |
|---|---|
| Inicio das emisións | 2005 (como TV 4 rijeke) |
| Propiedade de | KA-VISION |
| País |  Croacia
|
| Lingua | croata |
| Área de emisión | Croacia
|
| Sede central | Karlovac |
Na rede
| |
| https://trend.com.hr | |
Trend TV é unha estación de televisión local de Croacia con sede en Karlovac[1]. Comezou as súas emisións en 2005 co nome de TV 4 rijeke (TV4R) e emite como televisión local para as cidades de Zagreb, Samobor, Zaprešić, Velika Gorica, Karlovac e Ogulin. En 2017 cambiou ao seu nome actual.
Historia[editar | editar a fonte]
Durante a primeira época funcionou como unha estación local de Karlovac. O 5 de outubro de 2010, coa implantación da televisión dixital en Croacia, a canle pódese sintonizar na rexión 4 que cobre máis dun millón de peroas[2]. Dende 2014 a canle forma parte de KA-VISION, propiedade de Marko Vuković[1], e virou para unha programación máis rexional. Presente en varias compañías de televisión por cable, pódese sintonizar así por toda Croacia.
Cobertura do sinal[editar | editar a fonte]
As emisións pódense sintonizar en tres subrexións locais dixitais:
d44 - Zagreb, Velika Gorica, Sveta Nedelja, Stupnik e parte do concello de Samobor
d45 - Jastrebarsko, Klinča Sela, Krasic e Pisarovina
d46 - Karlovac, Lasinja, Ozalj, Zakanje, Draganic, Netretic, Duga Resa, Generalski Stol, Barilovici, Krnjak, e parte dos concellos de Vojnic e Bosiljevo.
Programación[editar | editar a fonte]
Tradicionalmente, a programación estrutúrase en varias franxas: programa matinal ata 12 horas, programa de mediodía e tarde de 12 a 20 horas, programa vespertino de 20 a media noite e o programa nocturno de 24 a 6 horas da mañá.
O elemento central do programa vespertino era o noticiario local Karlovački obzornik, con novas dos acontecementos diarios na cidade e rexión. Os espectáculos orientados rexionalmente eran Iver, Pokupska kronika e Žumberak zov. Trend TV segue tamén a actividade das organizacións da sociedade civil, así como institucións con sede en Zagreb, Kordun e Karlovac e conta con programas para as minorías relixiosas e étnicas con temas específicos como o patrimonio étnico, especialidades culturais e similares.
Conta cunha produción propia de contido divulgativo, informativo, deportivo e musical. A produción independente está presente con programas como Trend putovanja ou Moja Istra. O programaDomaći zvuci céntrase nas sociedades culturais e artísticas do condado de Karlovac e vídeos de artistas populares.
Coa conversión nunha canle con maior enfoque no ámbito rexional, o telexornal pasou a se denominar Dnevnik, diversificouse a programación coa emisión de programas como Europa u fokusu, revista de actualidade e divulgación europea producida pola Deutsche Welle en lingua croata [3] Život piše priče, programa que visita localidades da rexión de Eslavonia e Baranja e no que se adoita empregar a variedade local do croata[4], Privredni.hr programa de carácter económico, Novi milenij, dedicado ás novidades tecnolóxicas, o programa de entrevistas Intervju tjedna.
Notas[editar | editar a fonte]
- ↑ 1,0 1,1 "KA-VISION d.o.o. - TREND TV". Agencija za Elektroničke Medije.
- ↑ "Trend TV". tvprofil.com.
- ↑ "Europa u fokusu". Deutsche Welle.
- ↑ "Život piše priče". tvprofil.com.