Toxoplasmose

Toxoplasmose
Aviso médico. Atención: A Wikipedia non dá consellos médicos. Se cre que pode requirir tratamento consúltello ao médico.
Taquizoítos de T. gondii
Instancia de doenza infecciosa clase de doenza  Subclase de eimeriose (pt) zoonose doenza  Causado por Toxoplasma gondii
Características
Especialidade médica infectoloxía xinecoloxía e obstetricia
Síntomas adenopatía Esplenomegalia low-grade fever (en) Hepatomegalia Encefalite hepatoesplenomegalia (pt)
Exames médicos exame médico ELISA inmunofluorescencia Sabin–Feldman dye test (en)
Fármacos para tratamento sulfadiazina pirimetamina spiramycin (en) clindamicina Cotrimoxazol (pt) cloroquina
Proceso de transmisión transmisión fecal-oral Transfusión de sangue transplantação de órgãos (pt) placental transmission (en) haemocontact transmission of pathogen (en)
Identificadores Freebase /m/0jrg8 MeSH D014123 Thesaurus do NCI C3418 DiseasesDB 13208 CIE-11 738999268 CIE-10 B58.9 CIE-9 130 MedlinePlus 000637 eMedicine 229969 OpenAlex C2778062946 e C3020343245 KEGG H00435
Wikidata C:Commons

A toxoplasmose é unha enfermidade infecciosa ocasionada polo protozoo Toxoplasma gondii, un parasito intracelular obrigado. A toxoplasmose pode causar infeccións leves e asintomáticas, así como infeccións mortais que afectan maiormente ao feto, ocasionando a chamada toxoplasmose conxénita. Tamén pode revestir gravidade cando afecta a inmunodeprimidos como infectados polo VIH sen tratamento antiretroviral efectivo. Considérase a enfermidade como unha zoonose, o cal significa que, de modo habitual, transmítese desde os animaies aos seres humanos a través de diferentes vías de contaxio, sendo os hospedadores definitivos o gato e outras seis especies de felinos.

As medidas de prevención son particularmente importantes nas mulleres embarazadas e consisten en normas xerais de hixiene para evitar a transmisión por alimentos ou auga contaminada, non consumir carne crúa ou mal cociñada e evitar o contacto con feces de gato.

Historia

Foi demostrado por primeira vez en 1908 por Nicolle e Manceaux en roedores do norte de África e, no mesmo ano, por Splendore no Brasil; demostrouse definitivamente que o toxoplasma producía unha enfermidade no ser humano en 1939 cando Wolfe, Cosen e Paine describiron varios casos de encefalomielitis neonatal fatal causados por infeccións conxénitas deste parasito. Pouco despois atopáronse varios casos dunha infección adquirida, pero o parasito espertou interese só como axente causal dunha enfermidade conxénita rara. A capacidade patóxena do parasito fíxose máis evidente coas descricións case simultáneas de probas cutáneas, de fixación de complemento e de tinción, e posteriormente, doutras probas diagnósticas. Estas probas empregáronse dabondo para demostrar que Toxoplasma frecuentemente infecta o ser humano e os animais, e que a toxoplasmose conxénita é só unha manifestación illada da variedade de manifestacións dunha enfermidade relativamente común.