Toutón, Mondariz

Na Galipedia, a Wikipedia en galego.
Saltar ata a navegación Saltar á procura
Toutón
Toutón, Mondariz.JPG
Igrexa parroquial
ConcelloMondariz
Poboación304 hab. (2013)
Entidades de poboación5

San Mateo de Toutón é unha parroquia que se localiza no concello de Mondariz. Segundo o INE en 2013 tiña 304 habitantes (166 mulleres e 138 homes) -179 menos ca en 1999-, distribuídos en 5 entidades de poboación.

Patrimonio[editar | editar a fonte]

Detalle do cruceiro de fóra do adro de Toutón (Virxe das Angustias co Cristo morto no colo).

A igrexa de San Mateo de Toutón data de 1711 (na inscrición da fachada figura a data 1713), está situada no barrio de Casco, onde tamén hai unha capela. De planta rectangular e tellado a dúas augas, a fábrica é de cantaría de granito con contrafortes nos muros laterais e corpo posterior diferenciado a xeito de ciborio rústico tipo torre, ameado e con desaugadoiros pétreos. A facha principal ten no lateral esquerdo a torre campanario de planta cadrada e dous corpos (o superior quizais posterior). Na fronte da fachada atópanse dúas pilastras laterais. A porta é alintelada e flanqueada por dúas pilastras caixadas con chapiteis xónicos que aturan un friso con detalles vexetais e por riba un frontón triangular partido, cunha fornela coa imaxe de San Ramón cunha cartela con inscrición. Enriba un ocelo. Na cumieira áchase a imaxe do patrón da parroquia: San Mateo. A sancristía áchase no muro sur[1].

É de salientar o cruceiro do adro considerado Ben de Interese Cultural galego, cunha plataforma de tres chanzos cuadrangulares (o máis baixo soterrado polo asfalto). O pedestal ten as arestas rebaixadas e fiugura a data na que foi ergueito: 1711, practicamente á vez ca igrexa. Salienta o fuste cilíndrico e o chapitel corintio con volutas nos cantos, fileira dupla de follas e flor central en cadansúa face. A cruz é de sección cadrada coas arestas achafranadas. Nunha das caras a imaxe de Xesús Cristo crucificado coa cartela de INRI, e na outra a Virxe das Angustias co fillo morto no colo[2].

Festas[editar | editar a fonte]

Toutón celebra unha festividade na honra de Santa Marta o 29 de xullo e o 24 de xuño na honra de San Xoán do Xisto.

Desta parroquia é o grupo Pandeireteiras de Toutón.

Galería de imaxes[editar | editar a fonte]

Lugares e parroquias[editar | editar a fonte]

Lugares de Toutón[editar | editar a fonte]

Lugares da parroquia de Toutón no concello de Mondariz (Pontevedra)

Aboal | Casco | Festín | Lordelo | Portacurbo

Parroquias de Mondariz[editar | editar a fonte]

Galicia | Provincia de Pontevedra | Parroquias de Mondariz

Frades (San Martiño) | Gargamala (Santa María) | Lougares (San Fiz) | Meirol (Santo André) | Mondariz (Santa Baia) | Mouriscados (San Cibrán) | Queimadelos (Santa María) | Riofrío (San Miguel) | Sabaxáns (San Mamede) | Toutón (San Mateo) | Vilar (San Mamede) | Vilasobroso (San Martiño)

Notas[editar | editar a fonte]

  1. Igrexa parroquial de san Mateo de Toutón na páxina web colaborativa PatrimonioGalego.net.
  2. Cruceiro da igrexa de san Mateo de Toutón na páxina web colaborativa PatrimonioGalego.net.

Véxase tamén[editar | editar a fonte]

Outros artigos[editar | editar a fonte]