Torres Flame

Torres Flame
Bakú
Instancia de rañaceos
Persoas e organizacións
Arquitecto/a HOK (en)
Datas
Fundación / creación abril de 2012  Inauguración 2013
Dimensión
Superficie 234,5 m²
Localización
Situado en Bakú, Azerbaidján Mapa  40°21′35″N 49°49′34″L
Wikidata C:Commons

As Torres Flame (azerí: Alov Qüllələri) son os tres rañaceos máis altos da cidade de Bakú, en Azerbaidján, con alturas de 190 m, 160 m e 140 m. Conteñen apartamentos, un hotel e oficinas. O seu custo estimado é de 350 millóns de dólares. A construción comezou en 2007 e rematou en 2012. As Torres Flame son tres torres: sur, leste e oeste.

As fachadas das tres torres transfórmanse en grandes pantallas co uso de máis de 10 000 LEDs de alta potencia, fornecidos por Traxon Technologies, sucursal de Osram, e Vetas Electric Lighting.

Iluminación

Segundo unha enquisa de skyscrapercity.com, un importante foro de arquitectura e urbanismo, a iluminación das Torres Flame, deseñada por HOK, foi recoñecida como a mellor do mundo. As torres ilumínanse con LEDs que mostran o movemento dunha chama, a cal é visible dende toda a cidade. Esta iluminación crea o efecto de grandes fachos, salientando o concepto das Torres Flame, como reflicte o seu nome.