Torre de Fírbeda
 | Atención: Este artigo ou sección semella conter investigacións orixinais. |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde novembro de 2018.) |
| Torre de Fírbeda | ||||
|---|---|---|---|---|
A Torre  | ||||
_(8058878721).jpg) | ||||
| Tipo | fortaleza e monumento | |||
| Localización | ||||
| ||||
| Situado en | A Torre | |||
| Patrimonio cultural | ||||
| Ben de Interese Cultural | ||||
| Data | 17 de novembro de 1994 | |||
| Identificador | RI-51-0008956 | |||
| Fontes e ligazóns | ||||
| Redes |  | |||
| [ Wikidata ] [ C:Commons ] | ||||
A Torre de Fírbeda,[1] tamén coñecida como Torre da Forxa ou Torre de Porqueira,[2] son os restos dun castelo medieval construído no século XII no concello ourensán de Porqueira. Nel, segundo conta a tradición, foi durante un tempo confinado o rei García II de Galicia.[3]
Historia
[editar | editar a fonte]No ano 1157 pasou a formar parte do patrimonio do bispado de Ourense pola cesión feita polo rei Afonso VII, confirmada por Afonso IX, que en maio de 1204, en Troncoso, vendeu ó bispo Afonso por dous mil cincocentos soldos canto tiña e lle correspondía en Porqueira.
Na primavera do ano 1387 o castelo foi ocupado por pouco tempo polo Duque de Lancaster con motivo da guerra pola sucesión da coroa entre Pedro I de Castela e Henrique de Trastámara. Na segunda metade do século XV, cando xa pertencía á casa de Monterrei, sufriu o ataque dos Irmandiños que non chegaron a destruíla. Despois da creación en 1837 do concello de Porqueira pasou a ser a casa consistorial, e posteriormente pasou a mans particulares.
Descrición
[editar | editar a fonte]O castelo sitúase no val, lugar elixido para unha maior eficacia no control da fronteira co veciño Portugal. Da antiga fortaleza só queda en pé esta torre, de austera e robusta construción en perpiaños de granito dispostos en fiadas regulares. Accédese ao seu interior a través dunha porta a maior altura do chan á que se chega por medio dunha escalinata de vinte tramos.
Non presenta case aberturas: a porta románica, as ventás seteiras que defenden a entrada na súa vertical e unhas pequenas ventás, hoxe en día cubertas con cristais. Modillóns simples sosteñen o seu matacán saínte. Non se conservan as ameas.
Situación patrimonial
[editar | editar a fonte]Atópase protexido baixo a declaración xenérica do Decreto do 22 de abril de 1949 sobre o Patrimonio histórico español. Posteriormente pasou a ter a declaración de Ben de Interese Cultural.
Na actualidade acolle un centro de interpretación da Vía Nova XVIII do Itinerario de Antonino ao seu paso pola Limia.
Notas
[editar | editar a fonte]- ↑ Xunta de Galicia - Dirección Xeral do Patrimonio Cultural (1 de outubro de 2012). "Relación de Bens de Interese Cultural de Galicia" (PDF).
- ↑ Torre de Porqueira na páxina web colaborativa Patrimonio Galego.
- ↑ Teto de Dios (03-03-2016). "Torre da Forxa". Galicia Máxica (en castelán). Consultado o 15-9-2018.
Véxase tamén
[editar | editar a fonte]Bibliografía
[editar | editar a fonte]- Simal Lozano, Jesús Ángel; Conde Cid, Natalia (2009). Castillos, torres, murallas, iglesias fortificadas… de Galicia (PDF) (en castelán). pp. 46, 122–123. Consultado o 11-11-2018.
