Tordo de Naumann
| Tordo de Naumann | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||
| |||||||||||||||||||
| |||||||||||||||||||
|
Conservación
 Especie pouco preocupante | |||||||||||||||||||
| Clasificación taxonómica | |||||||||||||||||||
| |||||||||||||||||||
| |||||||||||||||||||
| |||||||||||||||||||
| |||||||||||||||||||
| Wikidata G:Commons C:Commons | |||||||||||||||||||
O tordo de Naumann[1] (Turdus naumanni) é unha especie de ave da familia Turdidae que se reproduce desde o centro de Siberia cara ao leste ata o norte de Manchuria, Manchuria Exterior e Sakhalin. Está moi emparentado coa especie que se reproduce máis ao norte Turdus eunomus; ambos foron ás veces considerados conespecíficos.
Esta especie reprodúcese en áreas de bosque aberto; o T. eunomus, como se podería esperar por ser máis do norte, é máis tolerante aos hábitats de montaña e de bordo da tundra. Esta especie é fortemente migratoria, pasa o inverno no sur de Asia ata o sueste asiático, principalmente na China, Corea e países veciños. É un vagante raro en Europa occidental.
Nidifica nas árbores, poñendo de 3 a 5 ovos nun niño desordenado pero moi ben forrado. As aves en migración e as que pasan o inverno adoitan formar pequenas bandadas. É omnívoro, comendo unha ampla variedade de insectos, especialmente mosquitos, miñocas de terra e bagas.
É un tordo de medio tamaño, que lembra en estrutura un pequeno tordo real. A parte inferior das ás é marrón avermellada, e ten unha sobrecella clara.
O tordo de Naumann ten un dorso e cabeza marróns claros. A face, peito, manchas dos flancos e sobrecú son avermellados, e a barriga e zona baixo cola son brancos, mentres que no T. eunomus ten un dorso e sobrecú marróns máis escuros, e a face, peito e manchas dos flancos e sobrecú son negros. A barriga e zona baixo a cola son brancas.
A femia é bastante similar ao macho, pero os inmaturos teñen un debuxo menos marcado.
A canción do tordo de Naumann pode ser distinta da canción afrautada ou asubiada simple similar á do tordo rubio ou do T. eunomus.
O nome do xénero procede do latín Turdus, 'tordo', e o seu nome común conmemora ao naturalista alemán Johann Andreas Naumann.[2]
Notas
[editar | editar a fonte]- ↑ "Denominación das aves". Real Academia Galega. Consultado o 2024-12-05.
- ↑ Jobling, James A (2010). The Helm Dictionary of Scientific Bird Names. Londres: Christopher Helm. pp. 266, 393. ISBN 978-1-4081-2501-4.
Véxase tamén
[editar | editar a fonte] |
A Galipedia ten un portal sobre: Aves |
