Top manta

Na Galipedia, a Wikipedia en galego.
Top manta en Riga, Letonia.

A expresión top manta refírese á venda na rúa, de xeito ambulante e sen licenza, de copias de artigos como películas en DVD, música en CD, xogos e, menos habitualmente, programas informáticos. A expresión acadou unha gran sona popular e a súa autoría parece atribuírse ao cantante Miguel Ríos, o cal fixo uso dela de xeito retranqueiro para referirse ás persoas máis vendidas e populares na música:

[...] si no estás en el top manta quiere decir que no eres nadie ni siquiera para que te roben.

Método[editar | editar a fonte]

Top manta en Barcelona.

Os vendedores do top manta, coñecidos como manteiros,[2] expoñen sobre unha manta os artigos copiados. As mantas adoitan ter dúas cordas atadas a cada extremo oposto, de modo que poida ser recollida toda a mercancía con rapidez facendo unha bolsa.

En España, tanto a Policía Local como a Policía Nacional, tralas denuncias da SGAE, outras sociedades de autores e nalgúns casos os propios autores, perseguen a práctica do top manta, que pode resultar nunha multa ou pena de cárcere.[3] A mercancía confiscada pola Policía é destruída despois.

Os vendedores son, en moitos casos, inmigrantes sen papeis. A SGAE acusa as mafias de estaren tras o top manta, da explotación dos vendedores e do financiamento destas actividades ilegais. Os vendedores quedan cunha pequena parte do prezo de venda de cada artigo.

Notas[editar | editar a fonte]

  1. "Miguel Ríos pide a la industria del disco que no se rasgue las vestiduras y baje los precios". El Mundo (en castelán). 7 de novembro de 2002. Consultado o 28 de xuño de 2012. [...] si no estás en el top manta quiere decir que no eres nadie ni siquiera para que te roben. 
  2. As testemuñas de Salou non viron contacto entre o senegalés e un axente no balcón
  3. "Ocho años de cárcel por 'mantero'". El País (en castelán). 1 de marzo de 2010. Consultado o 28 de xuño de 2012. 

Véxase tamén[editar | editar a fonte]

Ligazóns externas[editar | editar a fonte]