Tomiko Yamakawa
  | |
| Biografía | |
|---|---|
| Nacemento | 19 de xullo de 1879 distrito de Onyū, Xapón |
| Morte | 15 de abril de 1909 (29 anos) distrito de Onyū, Xapón |
| Causa da morte | doenza respiratoria |
| Educación | Baika Gakuen Universidade de Mulleres do Xapón |
| Actividade | |
| Ocupación | poeta de ""tanka"" |
Tomiko Yamakawa (en xaponés: Yamakawa Tomiko 山川 登美子), nada o 19 de xullo de 1879 e finada o 15 de abril de 1909, foi unha poeta xaponesa do período Meiji.
Traxectoria
[editar | editar a fonte]Tomiko Yamakawa naceu en Takehara, na prefectura de Shiga (actual cidade de Obama, na prefectura de Fukui) o 19 de xullo de 1879.[1] Foi a cuarta filla de Teizo Yamakawa e Ei Yamakawa.[1] A súa familia pertencía a unha antiga liñaxe de samurais de alto rango do dominio de Obama.[1]
En 1895, ingresou na escola misioneira para mulleres Baika gakuen, en Osaka, onde se graduou en 1897.[1] En decembro dese mesmo ano, publicou o seu primeiro tanka.[1]
En abril de 1900, ingresou como investigadora na súa alma máter, especializándose en lingua inglesa. En xuño dese mesmo ano, comezou a colaborar coa revista Myōjō (en xaponés: 明星; lit. "Venus") de Tokyo, fundada por Yosano Tekkan; en agosto, coñeceu a Tekkan e á súa futura esposa, a poeta Yosano Akiko.[1] Malia amar a Tekkan, en abril de 1901 a súa familia obrigouna a casar con Yamakawa Kenshichiro, un membro do seu clan, pero este faleceu ao ano seguinte.[1] En xaneiro de 1903, divorciouse formalmente e regresou á súa localidade natal.
En 1904, matriculouse en Literatura Inglesa na Universidade de Mulleres do Xapón, onde permaneceu até marzo de 1907.[1] En 1905, xunto con Yosano Akiko e Masuda Masako, publicou a escolma poética Koigoromo ("A roupa do amor").[1][2]
O 15 de abril de 1909 finou a causa dunha enfermidade respiratoria, con tan só 29 anos.[1] A súa tumba atópase no templo Hosshinji, na cidade de Obama.[1]
Publicacións
[editar | editar a fonte]- Koigoromo 恋衣 (1905), xunto con Yosano Akiko e Masuda Masako. Hongō shoin.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Atsumi, Ikuko; Rexroth, Kenneth (1977). Women Poets of Japan (en inglés). J. Laughlin. ISBN 9780811208208.
- Noriyasu, Akiko (1980). "Yamakawa Tomiko ron: uta ni miru jinbutsuzou 山川登美子論―歌に見る人物像―". Tamayura (en xaponés) 12: 81–90. ISSN 0289-1859.
