Tomelloso

Casa do concello de Tomelloso.

Tomelloso é unha cidade manchega, situada ao nordés da provincia de Cidade Real, na comunidade autónoma de Castela-A Mancha. É o municipio con maior poboación da zona e o oitavo de Castela-A Mancha.

Evolución demográfica

1575	1750	1900	1930	1950	1970	1996	1998	2002	2007	2008
400	3.000	13.929	25.896	30.072	26.094	29.586	29.255	31.503	35.637	37.532

Xeografía

Igrexa da Asunción.

O seu termo desde a Idade Media áchase vinculado ós canellóns da Mesta, dentro de La Mancha de Vejezate. Este está ocupado por terreos áridos, con poucas árbores, onde se estenden sobre todo plantacións de vide, aínda que tamén cereal, oliveiral, e algúns cultivos de regadío.

Está situada no centro xeográfico da rexión natural de La Mancha, sendo a capital oficiosa da Mancha Alta. Limita ao norte con Pedro Muñoz e Arenales de San Gregorio, ao leste con Socuéllamos, ao sur con Argamasilla de Alba e Alhambra (Campo de Montiel) e ao oeste, con Campo de Criptana.

A grande extensión do casco urbano propiciou a extensión de numerosos barrios, como La Paloma, Maternidad, San Antonio-Canal, Matadero-Estación, El Carmen, El Pilar, San José, Nuevo Tomelloso, Moral-Parque Viejo e Doña Crisanta.

Patrimonio

Posada de los Portales.

A pousada de Los Portales foi construída na segunda metade do século XVII para albergue dos viaxeiros, mantendo esta actividade até a década de 1960, cando foi adquirida polo concello. O edificio conserva a estrutura orixinal, cun portal sobre catro columnas toscanas e dous piares. Nos dous pisos ten balconadas corridas de madeira. Conserva a cociña primitiva cunha gran cheminea e moitos utensilios de época. Na actualidade alberga exposicións itinerantes.

A casa consistorial foi construída en 1904 e restaurada recentemente.

A igrexa da Asunción da Nosa Señora está xunto ao concello e a pousada de Los Portales. Data do século XVI, con reformas barrocas de principios do XVII. Ten tres naves e unha cúpula sen tambor. O retablo antigo en madeira policromada foi queimado en 1936 durante a Guerra Civil. O actual retablo é de 1940, en madeira policromada cunha talla da Asunción da Virxe.

Véxase tamén

Ligazóns externas

• Concello de Tomelloso (en castelán).