Tom Wolfe

Na Galipedia, a Wikipedia en galego.
Saltar ata a navegación Saltar á procura
Tom Wolfe
Wolfe at White House.jpg
Nome completoThomas Kennerly Wolfe Jr.
Nacemento2 de marzo de 1930
 Richmond
Falecemento14 de maio de 2018
 Nova York
NacionalidadeEstados Unidos de América
Relixiónateísmo
Educado enUniversidade Yale, Washington and Lee University e St. Christopher's School, Richmond
Ocupaciónxornalista, novelista, reporteiro, ensaísta, escritor de non ficción, guionista, escritor e prosista
Coñecido/a porThe Electric Kool-Aid Acid Test, The Right Stuff, A Man in Full, Radical Chic & Mau-Mauing the Flak Catchers, The Bonfire of the Vanities e Back to Blood
PremiosMedalha Nacional de Humanidades, National Book Award, Prémio John Dos Passos, St. Louis Literary Award, Jefferson Lecture e Wilbur Cross Medal
editar datos en Wikidata ]

Thomas Kennerly Wolfe Jr., nado en Richmond (Virxinia) o 2 de marzo de 1931 e finado en Nova York o 15 de maio de 2018, foi un escritor e xornalista estadounidense, considerado o pai do chamado novo xornalismo.

Traxectoria[editar | editar a fonte]

Fillo dun agrónomo e dunha deseñadora, estudou literatura e xornalismo na Universidade Washington and Lee tras rexeitar a oferta de ingresar na Universidade de Princeton. Tras graduarse en 1952 intentou dedicarse ao béisbol, mais desistiu ao declararse sen condicións para iso. Nos seus inicios colaborou en The Washington Post, Enquirer e New York Herald.

Afirmaba que o seu obxectivo como escritor de ficción era retratar a sociedade contemporánea de acordo ao realismo, seguindo a tradición literaria de John Steinbeck, Charles Dickens e Emile Zola, empregando técnicas adoptadas do xornalismo. De feito, as primeiras obras de Wolfe consistían en ensaios críticos e ata 1987 non escribiu a súa primeira novela, The Bonfire of the Vanities. Respecto a esta novela e a A Man in Full comentou que ambas afirmaban a necesidade de novelas que xurdan do realismo, e no seu caso, as súas propias raíces proviñan dunha procura coidadosa ou da reportaxe, dando importancia ao ambiente social das súas personaxes como como medio para explicar as súas ideas e condutas, explorando os temas do sexo, a raza, o diñeiro e a ideoloxía como elementos divisorios e ao mesmo tempo integradores da sociedade estadounidense.

A obra de Wolfe pasou por varias etapas marcada nos anos sesenta por unha defensa da chamada cultura pop e nas décadas seguintes por radicais polémicas contra o narcisismo dos anos oitenta e atacando politicamente os liberais, así como cuestionando o mainstream intelectual estadounidense en aspectos como a arquitectura, a arte moderna ou a propia literatura. En 2001 recibiu a National Humanities Medal.

Wolfe declarouse ateo e no ano 20017 afirmou que nas eleccións presidenciais de 2004 votara pola reelección do presidente George W. Bush, de quen se manifestou admirador. Un dos seus costumes característicos era aparecer sempre vestido cun traxe de cor branca nas súas aparicións públicas.

Obra[editar | editar a fonte]

Novela[editar | editar a fonte]

  • The Bonfire of the Vanities (1987)
  • A Man in Full (1998)
  • I Am Charlotte Simmons (2004)
  • Back to Blood (2012)

Non ficción[editar | editar a fonte]

  • The Kandy-Kolored Tangerine-Flake Streamline Baby (1965)
  • The Electric Kool-Aid Acid Test (1968)
  • The Pump House Gang (1968)
  • Radical Chic & Mau-Mauing the Flak Catchers (1970)
  • The New Journalism (1973)
  • The Painted Word (1975)
  • Mauve Gloves & Madmen, Clutter & Vine (1976)
  • The Right Stuff (1979)
  • In Our Time (1980)
  • From Bauhaus to Our House (1981)
  • The Purple Decades (1982)
  • Hooking Up (2000)
  • The Kingdom of Speech (2016)

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]