Tomás A. Alonso
| Biografía | |
|---|---|
| Nacemento | 19 de novembro de 1835  Coia, España |
| Morte | 1906 (70/71 anos) Buenos Aires, Arxentina |
| Actividade | |
| Ocupación | empresario, filántropo |
Tomás Antonio Alonso Martínez, máis coñecido como Tomás Alonso, nado en Coia (Vigo) o 19 de novembro de 1835 e finado en Buenos Aires en 1906, foi un empresario, benfeitor e filántropo galego.
Traxectoria
[editar | editar a fonte]Igual que aconteceu con outros benfeitores afincados na cidade, coma Manuel Núñez, María Berdiales ou Ramón Nieto, Alonso foi un dos moitos emigrantes que marcharon a América e xeraron unha fortuna considerábel, o cal lle permitiu volver a Galicia e desenvolver actividades propias das grandes fortunas de por aquel entón, como as actividades empresariais e de banca ou a promoción inmobiliaria, así como a filantropía. Tomás Alonso emigrou, como moitos outros galegos na súa mocidade, desde o porto de Vigo cara a América. De familia traballadora, Alonso residiu varios anos no Uruguai, onde foi quen de acadar unha gran fortuna.
Após de varios anos no Uruguai, Alonso regresou a Vigo, onde se converteu nun dos principais benfeitores do século XIX. Financiou, entre outros proxectos, a fundación de tres escolas en Coia, Castrelos e Bouzas.[1] Finou en Buenos Aires en 1906.[2][3]
Recoñecementos
[editar | editar a fonte]Foi nomeado fillo predilecto de Vigo o 6 de decembro de 1906 e ten, en agradecemento pola súa xenerosidade coa cidade, unha rúa co seu nome.
Notas
[editar | editar a fonte]- ↑ Antomil Pérez, Daniel. Odonimia de la provincia de Pontevedra. Vigo (PDF). Vigo360.
- ↑ El Regional, 14-12-1906, p. 2.
- ↑ Galicia, 1-1-1907, p. 12.
Véxase tamén
[editar | editar a fonte]Bibliografía
[editar | editar a fonte]- Álvarez Blázquez, Xosé María (2008). La Ciudad y los Días. Calendario histórico de Vigo. Vigo: Edicións Xerais de Galicia.
