Todiramphus chloris

Todiramphus chloris
Todiramphus chloris humii Laem Phak Bia, Phetchaburi, Tailandia.
Estado de conservación
Pouco preocupante
Clasificación científica
Reino: Animalia Filo: Chordata Clase: Aves Orde: Coraciiformes Familia: Alcedinidae Subfamilia: Halcyoninae Xénero: Todiramphus Especie: T. chloris
Nome binomial
Todiramphus chloris (Boddaert, 1783)
Sinonimia
Halcyon chloris Todirhamphus chloris

Todiramphus chloris é un paxaro da familia dos Alcedinidae e á subfamilia Halcyoninae. Ten un amplo rango de distribución que abrangue dende o Mar Vermello até o sur de Asia e a Polinesia. É unha especie moi variable e conta cunhas 50 subespecies.

Descrición

Femia en Fidxi.

Mide de 22 a 29 cm de longo e pesa entre 51 e 90 gramos. A coloración da plumaxe das súas partes superiores varía do azul ó verde, mentres que a das súas partes inferiores varía entre o branco e o alaranxado. Ten unha franxa branca arredor do pescozo. Algunhas subespecies teñen unha lista superciliar branca ou crema e outras teñen unha mancha entre o peteiro e os ollos. Adoitan ter unha lista negra que atravesa os ollos. O seu gran peteiro é negro coa base da mandíbula inferior amarelada.

As femias adoitan ser máis verdellas que os machos. Os xuvenís teñen cores máis apagadas que os adultos e adoitan presentar escamado escuro no pescozo e o peito.

Véxase tamén

Bibliografía

• Andersen, M.J.; Shult, H.T.; Cibois, A.; Thibault, J.C.; Filardi, C.E.; Moyle, R.G. (2015). "Rapid diversification and secondary sympatry in Australo-Pacific kingfishers (Aves: Alcedinidae: Todiramphus)". Royal Society Open Science 2 (140375). doi:10.1098/rsos.140375.