Tirso Gómez Freijido
  | |
| Biografía | |
|---|---|
| Nacemento | 1 de febreiro de 1887 Ribadavia, España |
| Morte | 31 de outubro de 1936 (49 anos) Vigo, España |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Partido Socialista Obrero Español |
| Lingua | Lingua castelá |
Tirso Servando Justino Gómez Freijido, nado en Ribadavia o 1 de febreiro de 1887 e finado en Vigo o 31 de outubro de 1936, foi un político galego.
Traxectoria[editar | editar a fonte]
Latoeiro de profesión, militante socialista, foi presidente da Casa do Pobo da Cañiza. Co golpe de Estado do 18 de xullo de 1936 foi detido na Cañiza o 21 de xullo. Trasladado á prisión de Vigo, foi xulgado en Consello de guerra por rebelión militar con María Gómez González, Jesús Eugenio Pérez Pérez, Antonio Mojón Vázquez e Justo Moure Giráldez. Condenado a pena de morte, foi executado, ás 16 horas do 31 de outubro de 1936, nas inmediacións do castelo do Castro.[1]
Vida persoal[editar | editar a fonte]
Casou con Contemplación Mosquera Mariño.[2] A dramaturga, directora e actriz Marta Pérez é a súa bisneta.
En 2022, a compañía de Pérez, Inversa Teatro, estreou unha peza no Auditorio de Vigo sobre a detención e fusilamento de Tirso Gómez e os seus compañeiros: O Péndulo[3], escrita xunto ao dramaturgo Ernesto Is.
Notas[editar | editar a fonte]
- ↑ El Pueblo Gallego, 1-11-1936, p. 10.
- ↑ A Cañiza: Mercería-droguería Pepa
- ↑ O Péndulo, estrea mundial.
Véxase tamén[editar | editar a fonte]
Ligazóns externas[editar | editar a fonte]
- Tirso Gómez Freijido na páxina web Nomes e Voces.