Timnit Gebru

Na Galipedia, a Wikipedia en galego.
Saltar ata a navegación Saltar á procura
Timnit Gebru
TechCrunch Disrupt San Francisco 2018 - day 3 (30671211838).jpg
Datos persoais
Nacementoséculo XX
NacionalidadeEtiopía
Actividade
Campoinvestigadora e investigador en intelixencia artificial
Alma máterUniversidade Stanford
Director de teseFei-Fei Li
Coñecida porBlack in AI e On the Dangers of Stochastic Parrots
editar datos en Wikidata ]

Timnit Gebru, nada o 13 de maio de 1983 en Addis Ababa (Etiopía) [1], é especialista en informática. Ata decembro de 2020, foi a co-líder técnica do Equipo de Intelixencia Artificial Ética de Google. Traballa no nesgo dos algoritmos e a minería de datos. É unha defensora da diversidade na tecnoloxía e é cofundadora de Black in AI, unha comunidade de investigadores negros que traballan en intelixencia artificial. O seu emprego en Google terminou abruptamente en decembro de 2020 despois de que supostamente fora obrigada a retractarse dun traballo académico.[2][3][4][5][6][7][8]

Traxectoria[editar | editar a fonte]

Gebru naceu e criouse en Adis Abeba, Etiopía e despois emigrou aos EEUU.[1] Despois de terminar a escola secundaria en Massachusetts, foi aceptada para estudar na Universidade de Stanford. Alí obtivo a súa licenciatura e mestría en enxeñaría eléctrica. Gebru traballou en Apple Inc., desenvolvendo algoritmos de procesamento de sinais para o primeiro iPad. Gebru obtivo o seu doutoramento baixo a supervisión de Fei-Fei Li na Universidade de Stanford en 2017. Utilizou a minería de datos de imaxes dispoñibles publicamente. Interesáballe a cantidade de diñeiro que gastaban as organizacións gobernamentais e non gobernamentais que tentaban recompilar información sobre as comunidades. Para investigar alternativas, Gebru combinou a aprendizaxe profunda con Google Street View para estimar a demografía dos barrios dos Estados Unidos, mostrando que os atributos socioeconómicos como os patróns de votación, os ingresos, a raza e a educación poden inferirse a partir das observacións dos coches. Analizaron máis de 15 millóns de imaxes das 200 cidades máis poboadas de EE.UU. O traballo foi amplamente cuberto polos medios de comunicación, sendo recolleito por BBC News, Newsweek, The Economist, e The New York Times.[9][10][11]

Despois do seu doutoramento, Gebru uniuse a Microsoft como investigadora posdoutoral no laboratorio de Equidade, Responsabilidade, Transparencia e Ética na IA (FATE).[12][13]

Investigacións[editar | editar a fonte]

Gebru revelando que podes predicir, con algunha fiabilidade, o que un americano-a votará a partir do tipo de vehículo que conduce.

Gebru traballou en Google na ética da intelixencia artificial. Estudou as implicacións da intelixencia artificial, buscando mellorar a capacidade da tecnoloxía para facer o ben social. Colaborou co grupo de investigación do MIT Gender Shades. Gebru traballou con Joy Buolamwini para investigar o software de recoñecemento facial; descubrindo que as mulleres negras tiñan un 35% menos de probabilidades de ser recoñecidas que os homes brancos. Cando Gebru asistiu a unha conferencia de intelixencia artificial en 2016, deuse conta de que era a única muller negra entre 8.500 delegados. Xunto co seu colega Rediet Abebe Gebru fundou Black in AI, unha comunidade de investigadores negros que traballan en intelixencia artificial. Tamén falou do rumbo na intelixencia artificial en podcasts e entrevistas.[14][15]

Gebru tamén traballou na imparcialidade, responsabilidade, transparencia e ética de Microsoft no equipo da IA. Gebru e outros investigadores da intelixencia artificial asinaron unha carta que reflectía os problemas sistémicos que residen no software de recoñecemento facial de Amazon. Un estudo realizado por investigadores do MIT mostra que o sistema de recoñecemento facial de Amazon tivo máis problemas para identificar ás mulleres de pel máis escura que o software de recoñecemento facial de calquera outra empresa de tecnoloxía. Nunha entrevista do New York Times, Gebru expresou ademais que cre que o recoñecemento facial é demasiado perigoso para ser utilizado con fins de aplicación da lei e de seguridade neste momento.

En decembro de 2020, Gebru anunciou que fora despedida por Google despois dunha suposta disputa por un traballo de investigación. Os traballadores de Google iniciaron a campaña #ISupportTimnit para solidarizarse con Gebru..[16]

Recoñecementos[editar | editar a fonte]

Gebru, Joy Buolamwini e Inioluwa Raji gañaron o premio VentureBeat's 2019 AI innovations.[17][18]

Notas[editar | editar a fonte]

  1. 1,0 1,1 Lahde, Lisa. "AI Innovators: How One Woman Followed Her Passion and Brought Diversity to AI". Forbes (en inglés). Consultado o 2019-01-09. 
  2. "Top AI ethics researcher says Google fired her; company denies it". Reuters. Consultado o 4 decembro 2020. 
  3. "Timnit Gebru: Google staff rally behind fired AI researcher". BBC. Consultado o 4 decembro 2020. 
  4. "Google fires prominent AI ethicist Timnit Gebru". Consultado o 4 decembro 2020. 
  5. "Google fires prominent AI ethicist Timnit Gebru". Consultado o 4 decembro 2020. 
  6. "Renowned AI researcher says Google abruptly fired her, spurring industrywide criticism of the company". Consultado o 4 decembro 2020. 
  7. "Google despide a una de sus principales investigadoras en ética de la IA". La Vanguardia (en castelán). 2020-12-03. Consultado o 2020-12-05. 
  8. Colomé, Jordi Pérez (2020-12-12). "Por qué el despido de una investigadora negra de Google se ha convertido en un escándalo global". EL PAÍS (en castelán). Consultado o 2020-12-13. 
  9. "What Google Street View tells us about income". BBC (en inglés). Consultado o 2019-01-09. 
  10. "A machine-learning census of America’s cities". 2017-03-02. ISSN 0013-0613. Consultado o 2019-01-09. 
  11. "How Do You Vote? 50 Million Google Images Give a Clue" (en inglés). 2017-12-31. ISSN 0362-4331. Consultado o 2019-01-09. 
  12. "TIMNIT GEBRU". Consultado o 2019-01-09. 
  13. "TIMNIT GEBRU" (en inglés). Consultado o 2019-01-09. 
  14. "Episode 93: Facial Recognition, Demographic Analysis and More with Timnit Gebru" (en inglés). 2018-12-20. Consultado o 2019-01-09. 
  15. "3 Ways to Counter Unconscious Bias in AI" (en inglés). Consultado o 2019-01-09. 
  16. "Google workers mobilize against firing of top Black female executive" (en inglés). Consultado o 2020-12-05. 
  17. "AI innovation winners announced in San Francisco" (en inglés). 2019-07-12. Consultado o 2020-07-12. 
  18. "Buolamwini, Gebru and Raji win AI Innovation Award for research into biometric bias" (en inglés). 2019-07-18. Consultado o 2020-07-12. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]