Thompson Twins foi unha banda inglesa de pop formada en 1977 en Sheffield.[1] Iniciamente tratábase dun grupo de new wave, pero movéronse cara un son pop máis mainstream e acadaron unha considerable popularidade a principios e mediados dos 80, conseguindo unha serie de éxitos no Reino Unido, nos Estados Unidos, enoutros países. En 1993 cambiaron o seu nome a Babble para reflectir o cambio da súa música do pop ao chill-out influenciado polo dub. Continuaron como Babble ata 1996, cando o grupo se separou.
O nome da banda baseouse nos dous torpes detectives Hernández e Fernández, Thomson e Thompson, na versión en inglés da serie As aventuras de Tintín.[2] En varias etapas a banda tivo ata sete membros, pero a súa formación máis coñecida foi como trío de 1982 a 1986. O grupo destacou nos Estados Unidos durante a Segunda Invasión Británica, e en 1985 actuou no Live Aid de Filadelfia, onde se uniron ao escenario a Madonna.[2]
