Thomas Shingles
| Biografía | |
|---|---|
| Nacemento | 3 de abril de 1903. Birmingham, Inglaterra. |
| Morte | 31 de maio de 1984 (81 anos) Victoria, Columbia Británica, Canadá. |
| País de nacionalidade | Canadense. |
| Educación | Victoria School of Art. |
| Actividade | |
| Ocupación | Deseñador e gravador de moedas. |
| Empregador | Real Casa da Moeda do Canadá. |
| Familia | |
| Cónxuxe | Violet Louisa Webb.  |
 | |
Thomas Shingles, nado en Birmingham, Inglaterra, o 3 de abril de 1903 e finado en Victoria, Columbia Británica, o 31 de maio de 1984, foi un gravador e deseñador de moedas canadense de orixe inglesa.[1][2][3]
Traxectoria
[editar | editar a fonte]Thomas Shingles naceu o 3 de abril de 1903 en Birmingham, Inglaterra. Chegou ao Canadá en 1922; alí cursou estudos artísticos na Victoria School of Art e traballou como gravador de cuños en varias empresas.[4]
Shingles comezou a traballar como gravador na Real Casa da Moeda do Canadá en 1939,[4] e exerceu como gravador xefe desa institución desde 1943 ata a súa xubilación en 1965.[5]
No exercicio do seu cargo na ceca real, Shingles foi o responsable do deseño de varias moedas canadenses, entre elas o reverso da de cinco centavos creada en 1943 en conmemoración da vitoria na segunda guerra mundial,[6] a actualización da moeda de 50 centavos en 1959 para incluír o escudo de armas do Canadá;[7] ou os reversos dos dólares de prata conmemorativos da Integración de Terra Nova na Confederación (1959)[8] e do Bicentenario da Columbia Británica en 1971.[9] Nas súas creacións aparecen adoito as súas iniciais, TS, a modo de marca de gravador.[4]
Shingles retirouse da Casa da Moeda en 1965, pero continuou traballando como artista independente.[4]
Thomas Shingles estivo casado con Violet Louisa Webb. O 31 de maio de 1984 finou en Victoria, Columbia Británica, aos 81 anos.[1][2]
- Escolma de moedas deseñadas por Thomas Shingles
Moeda de 50 centavos.
Dólar da integración de Terra Nova na Confederación (1949).
Dólar do Centenario da Columbia Británica (1971).
Notas
[editar | editar a fonte]- 1 2 "Shingles, Thomas". Artists in Canada. Government of Canada (app.pch.gc.ca).
- 1 2 "Thomas Shingles (1903 - 1984)". Wikitree.com
- ↑ "Shingles, Thomas". Biographisches Lexikon der Münzmeister und Stempelschneider und Medailleure von der Renaissance zur Gegenwart (Mintmaster.geschichte.lmu.de).
- 1 2 3 4 "Dollar Designers". Coinscan.com
- ↑ "'V’ for victory | How the Victory Nickel became an enduring symbol of hope". Royal Canadian Mint (Mint.ca).
- ↑ "5 Cents - George VI Victory". Numista.com
- ↑ "50 Cents - Elizabeth II 1st portrait". Numista.com
- ↑ "1 Dollar - George VI Welcome Newfoundland". Numista.com
- ↑ "1 Dollar - Elizabeth II British Columbia". Numista.com
