Thomas Kent

Na Galipedia, a Wikipedia en galego.
Thomas Kent
Thomas Kent, executed Irish nationalist 1916.jpg
Nacemento29 de agosto de 1865
Lugar de nacementoCastlelyons
Falecemento9 de maio de 1916
Lugar de falecementoCollins Barracks
Causaferida por arma de fogo
NacionalidadeIrlanda
Ocupaciónrevolucionario
Na rede
WikiTree: Kent-3520
editar datos en Wikidata ]

Thomas Kent (en irlandés Tomás Ceannt) nado en Castlelyons no Condado de Cork (Irlanda) en 1865 e finado no cuartel militar de Collins Barracks no Condado de Cork (Irlanda) o 9 de maio de 1916, foi un nacionalista irlandés condenado a morte por un consello de guerra e fusilado tras un tiroteo coa Royal Irish Constabulary (RIC) o 2 de maio de 1916, pouco tempo despois do Alzamento de Pascua.

A Alzamento de Pascua[editar | editar a fonte]

Thomas Kent formaba parte dunha importante familia nacionalista que vivía en Bawnard House, Castlelyons, Condado de Cork. Estaban preparados para tomar parte no Alzamento de Pascua, mais cando a orde de mobilización foi revogada, permaneceron na casa. O Alzamento, non obstante, foi adiante en Dublín, e a RIC foi enviada para deter simpatizantes coñecidos no país incluíndo, mais non limitado, a membros coñecidos da Irmandade Republicana Irlandesa, Sinn Féin, e os Voluntarios Irlandeses. Cando a residencia Kent foi atacada encontráronse coa resistencia de Thomas e os seus irmáns Richard, David e William. Durante o tiroteo, que durou catro horas, o oficial da RIC Head Constable William Rowe foi morto e David Kent resultou seriamente ferido. Ao final os Kent foron obrigados a renderse, aínda que Richard fixo unha última carreira pola liberdade e foi fatalmente ferido.

Xuízo e execución[editar | editar a fonte]

Thomas e William foron xulgados por unha corte marcial polo asasinato do Head Constable Rowe. William foi absolvido, mais Thomas foi sentenciado a morte e fusilado en Cork o 9 de maio de 1916. David Kent foi levado a Dublín, onde foi acusado do mesmo delito, declarado culpable e sentenciado a morte, mais a pena foille conmutada e finalmente foi condenado a cinco anos de servidume penal. Á parte do caso singular de Roger Casement, Thomas Kent foi a única persoa de fóra de Dublín executada polo seu papel nos acontecementos da Semana Santa. Foi enterrado en Collins Barracks, Cork (anteriormente Victoria Barracks).

Ferrocarril[editar | editar a fonte]

A principal estación de ferrocarril da cidade de Cork, a Kent Station recibe o seu nome en homenaxe a Thomas Kent.

Notas[editar | editar a fonte]