The Velvet Underground é o terceiro álbum de estudio da banda estadounidense de art rockThe Velvet Underground, publicado en marzo de 1969 a través do selo MGM Records. Foi o seu primeiro disco con Doug Yule, que foi o substituto de John Cale. Gravado en 1968 nos TTG Studios de Hollywood, California, o son do álbum, formado principalmente por baladas e cancións rock sinxelas, marcou un significativo cambio no estilo da banda con respecto aos seus anteriores traballos. No ano 2003 a revista Rolling Stone situouno no número 314 na súa lista dos 500 mellores álbums de todos os tempos. Na súa revisión de 2012 pasou ao posto 316.[1]
