Os cazapantasmas

The Real Ghostbusters
Formato	Aventuras
Creado por	Dan Aykroyd Harold Ramis
Desenvolvido por	Sony Pictures Television DiC Entertainment (Cookie Jar Entertainment)
Intérpretes	Animación
País de orixe	Estados Unidos
Episodios	147
Produción
Produtor(es) executivo(s)	Joe Medjuck Micheal C. Gross
Duración	30 minutos
Emisión orixinal
Canle de orixe	ABC En sindicación
Derradeiro episodio	22 de outubro de 1991
Na rede
[ editar datos en Wikidata ]

Os cazapantasmas (en inglés: The Real Ghostbusters) é unha serie de debuxos animados para a televisión baseada no filme de 1984 Ghostbusters que se emitiu de 1986 a 1991. En Galicia a Televisión de Galicia emitiuna en 1992.

Desenvolvemento

A serie emitiuse orixinalmente de 1986 a 1991, producida por Columbia Pictures Television, DiC Entertainment e Coca-Cola. Na versión orixinal os produtores tiveron que lle engadir "The Real" logo dun contencioso con Filmation que tiña a súa propia versión animada, os Ghost Busters. A serie segue as aventuras un grupo de parasicólogos Peter Venkman, Egon Spengler, Winston Zeddemore, Ray Stantz, a súa secretaria Janine Melnitz e a súa mascota a pantasma Moquete que investigan diversos fenómenos paranormais.

O doutor Peter Venkman é quen toma a decisión de aceptar cada caso, o doutor Egon Spengler é o xenio científico que proporciona a tecnoloxía que o grupo precisa para interactuar co reino etéreo, en moitos dos episodios, Egon atopa a solución cando xa se perdeu toda esperanza, o doutor Ray Stantz é a mente mecánica no equipo, aínda que por dentro é coma un neno. Winston Zeddemore encarna a determinación, sempre co seu raio de protóns a punto. Winston Zeddemore, que na película tiña escaso protagonismo, colleu valor nesta serie.