The Only Good Indian

The Only Good Indian
Título    The Only Good Indian (en)
Instancia de filme
Características  Cor en cor  Xénero artístico filme independente  Ambientado en Kansas  Lingua orixinal lingua inglesa lingua kickapoo
Implicados  Produtor/a Tom Carmody  Director/a Kevin Willmott  Guionista Tom Carmody  Elenco Wes Studi J. Kenneth Campbell
Datas  Data de publicación 2009
Localización  Lugar de rodaxe Kansas  País de orixe Estados Unidos
Códigos e identificadores Freebase /m/05f7x3s
Fontes e ligazóns  Páxina WEB theonlygoodindian.com
Wikidata

The Only Good Indian é un filme estadounidense de 2009 dirixido por Kevin Willmott.

Sinopse

A historia está ambientada en Kansas a comezos do século XX. Un rapaz kickapoo (intepretado por Winter Fox Frank) é secuestrado da súa familia e obrigado a asistir a un internado indio distante, deseñado para acadar a asimilación cultural dos nativos americanos na sociedade branca dominante. Cando escapa para volver coa súa familia, Sam Franklin (Wes Studi), un cazarrecompensas de orixe cherokee, é contratado para atopalo e devolvelo á escola.

Franklin, un antigo explorador indio para o exército dos Estados Unidos, renunciou á súa herdanza nativa. Adoptou o modo de vida do home branco, crendo que é a única forma de sobrevivir dos indios. Ao longo do camiño, un tráxico incidente impulsou á antiga némese de Franklin, o sheriff Henry McCoy (J. Kenneth Campbell), o "combatente indio", a perseguir tanto a Franklin como ao neno.

O filme presenta tanto a lingua kickapoo como membros do pobo kickapoo.

Personaxes

• Wes Studi como Sam Franklin
• J. Kenneth Campbell como Sheriff Henry McCoy
• Winter Fox Frank como Charlie
• Paul Butler como Harkin
• Thirza Defoe como Sally
• Christopher Wheatley como Mean Joe
• Laura Kirk como Miss Harris
• Delanna Studi como Aquene

Rodaxe

O filme rodouse case na súa totalidade en Kansas, sendo a única excepción unha escena no Parque Estatal Ha Ha Tonka de Misuri, con localizacións en Monument Rocks e Fort Larned. A rodaxe tivo lugar entre 2007 e 2008.

Acollida

Estreouse no Festival de Cinema de Sundance de 2009, proxectado posteriormente noutros festivais de cinema.O filme valeulle a Willmott a honra de "Mellor director" no Festival de Cinema Indio Americano, así como mellor interpretación para Wes Studi e Winter Fox Frank no seu debut como o mozo kickapoo.

Robert W. Butler da Kansas City Star considerou que Wilmott tivo boas intencións pero non se decatou do alcance da historia revisionista. Ao público gustoulle o filme mais non tivo unha ampla distribución. The Hollywood Reporter eloxiou a interpretación de Studi.

Travis Keune, nunha recensión do filme no Festival de Cinema de Saint Louis, dixo que comezou cunha gran premisa e, aínda que a execución foi defectuosa, pagaba a pena vela.