The Man-Machine (alemán: Die Mensch-Maschine) é o sétimo álbum de estudio da banda alemá de música electrónicaKraftwerk, publicado o 28 de abril de 1978 a través do selo Kling Klang Studio en Alemaña e por Capitol Records no resto do mundo. No álbum refínase o seu estilo mecánico e nel o grupo incorpora ritmos máis bailables. O álbum ten unha inclinación satírica. Pénsase que aborda unha ampla gama de temas da guerra fría, a fascinación de Alemaña pola fabricación e a relación cada vez máis simbiótica da humanidade coas máquinas.[1] Inclúe os sinxelos "The Model" e "The Robots".
Aínda que inicialmente o álbum non tivo éxito na lista de álbums do Reino Unido, chegaría ao número 9 en febreiro de 1982,[2] converténdose no segundo álbum da banda con mellor posición nas listas do Reino Unido despois de Autobahn (1974).[3]
