The Enchanted Castle

Na Galipedia, a Wikipedia en galego.

The Enchanted castle, que traducido ao galego sería O castelo encantado, é o título dunha novela de fantasía destinada ao público infantil, escrita por Edith Nesbit e publicada por vez primeira en 1907.

Libro[editar | editar a fonte]

Argumento[editar | editar a fonte]

Aviso: Esta sección pode revelar detalles da trama e/ou do argumento.

O castelo encantado que se menciona no propio título atópase nunha eira localizada na zona suroeste de Inglaterra, coñecida como West Country, que é descrita a través dos ollos de tres irmáns, chamados Gerald, James e Kathleen, quen o descobren mentres exploran durante as súas vacacións, tras o remate do curso escolar. O lago, arboredos e estatuas de mármore, con torres brancas e torres ao lonxe, crean un ambiente de conto de fadas, e alí, no medio do labirinto que forma o roseiral, os pícaros atopan unha princesa de conto de fadas dormente, quen lles fala polo miúdo da maxia que contén o castelo, amosándolles os tesouros deste, entre os cales se inclúe un anel, o anel de invisibilidade. Mais axiña os cativos han descubrir que o anel ten outros moitos poderes.

Estilo[editar | editar a fonte]

The Enchanted Castle foi escrito tanto para rapaces coma para lectores adultos. Así, combina descricións do xogos infantís, que evoca outra obra da propia autora, The Story of the Treasure Seekers, cunha maxia máis coitadiña, lonxe da que Nesbit expón noutros títulos esenciais coma The Story of the Amulet.

Véxase tamén[editar | editar a fonte]

Ligazóns externas[editar | editar a fonte]