The Crew 2 é un videoxogo de condución desenvolvido por Ubisoft Ivory Tower e distribuído por Ubisoft, sendo a secuela do videoxogo The Crew de 2014. O seu lanzamento produciuse o 29 de xuño de 2018, nas plataformas Microsoft Windows, PlayStation 4, Xbox One.[1][2]
O videoxogo conta cun mundo aberto que recrea aos Estados Unidos, do mesmo xeito que The Crew. Como novidade, o xogador poderá conducir non só coches e motocicletas, senón tamén lanchas e avións. Os modos de xogos que inclúe son off-road, carreiras rueiras, carreiras profesionais e estilo libre. Similar ao anterior xogo, porá unha gran énfase en multixogador pero tamén conta cun modo un xogador. Tamén conta cun modo multixogador cooperativo, que permite aos xogadores unirse aos diferentes eventos. Este modo tamén pódese xogar só contra as IAs (personaxes non xogadores ou intelixencia artificial).[3][4][5][6]
En maio de 2017, Ubisoft confirmou de forma oficial The Crew 2 para plataformas da nova xeración.[7] O xogo foi presentado no E3 2017, confirmando o seu desenvolvemento para Microsoft Windows, PlayStation 4, Xbox One.[8]
Ubisoft anunciou a data de lanzamento do videoxogo o 29 de xuño de 2018, mediante a publicación dun novo tráiler. Ademais, confirmou que o xogo tería soporte para as consolas PlayStation 4 Pro e Xbox One X.[9]
The Crew 2 foi recibido con críticas maiormente positivas por parte da prensa de videoxogos, conseguindo unha cualificación media de 67 sobre 100, sumando as valoracións de todas as plataformas nas que foi lanzado. A mellor cualificación osténtaa na consola Xbox One, cunha media de 69% en base a 35 recensións, e a peor na consola PlayStation 4, con 64% en base a 53 análises.
